ന്യൂഡല്ഹി: സ്വവര്ഗ്ഗ ലൈംഗീകത ഇന്ത്യന് സേനയില് അനുവദിക്കില്ലെന്നു കരസേനാ മേധാവി ജനറല് ബിപിന് റാവത്ത്. സ്വവര്ഗ ലൈംഗികത കുറ്റകരമല്ലാതാക്കിയ സുപ്രീം കോടതി വിധിയുമായി ബന്ധപ്പെട്ട് പ്രതികരിക്കുകയായിരുന്നു അദ്ദേഹം. കരസേനയില് സ്വര്ഗ ലൈംഗീകത അനുവദിക്കില്ല. ഇക്കാര്യത്തില് സൈന്യം യാഥാസ്ഥിതികമാണെന്ന് അദ്ദേഹം പറഞ്ഞു. കഴിഞ്ഞ സെപ്റ്റംബറില് സ്വവര്ഗരതി കുറ്റകരമല്ലെന്നു സുപ്രീംകോടതി വിധിപുറപ്പെടുവിച്ചിരുന്നു.
സൈന്യത്തിനുള്ളില് സ്വവര്ഗ ലൈംഗികത അനുവദിക്കാനാവില്ല. സൈനിക നിയമപ്രകാരമാണ് ഇക്കാര്യം കൈകാര്യം ചെയ്യുന്നത്. അതേസമയം സൈന്യം നിയമത്തിന് അതീതമല്ലെന്നും അദ്ദേഹം പറഞ്ഞു. നിങ്ങള് സൈന്യത്തില് ചേര്ന്നാല് സാധാരണ രീതിയിലുള്ള എല്ലാ അവകാശങ്ങളും സൗകര്യങ്ങളും ലഭിക്കില്ല. കുറച്ചു കാര്യങ്ങള് വ്യത്യസ്തമായിരിക്കും. വിവാഹേതര ബന്ധവും അംഗീകരിക്കാനാകില്ലെന്നും അദ്ദേഹം അഭിപ്രായപ്പെട്ടു.