ബെംഗളൂരു: നടി സുമലതയുടെ തീരുമാനത്തിനായി മണ്ഡ്യ ഒഴിച്ചിട്ട്, കര്ണാടകയിലെ 27 സീറ്റില് ബിജെപി സ്ഥാനാര്ഥികളെ നിശ്ചയിച്ചു. അതേസമയം, മണ്ഡ്യയില് മത്സരിക്കുമോയെന്ന് ഇന്നു വ്യക്തമാക്കുമെന്ന് അന്തരിച്ച കോണ്ഗ്രസ് നേതാവ് അംബരീഷിന്റെ ഭാര്യ കൂടിയായ സുമലത പറഞ്ഞു.
കോണ്ഗ്രസ് സീറ്റ് നിഷേധിച്ചതിനാല് സുമലത ബിജെപിക്കായി മത്സരിക്കുമെന്ന അഭ്യൂഹം ശക്തമായതോടെയാണ് മണ്ഡ്യ സീറ്റ് ഒഴിച്ചിട്ടത്. കേന്ദ്രനേതൃത്വത്തിന്റെ അനുമതി നേടിയ ശേഷമേ സ്ഥാനാര്ഥികളെ പ്രഖ്യാപിക്കൂ. 17 സിറ്റിങ് എംപിമാരില് ചിലര് മാത്രമാണ് സീറ്റ് ഉറപ്പാക്കിയത്.