തൃശൂരില്‍ ക്വാറിയില്‍ വന്‍ സ്‌ഫോടനം; ഒരാള്‍ മരിച്ചു; നാലു പേര്‍ക്ക് ഗുരുതര പരിക്ക്‌; സ്‌ഫോടനത്തില്‍ സമീപമുള്ള വീടുകള്‍ക്കും കേടുപാടുകള്‍

പ്രതീകാത്മക ചിത്രം

തൃശൂർ: വടക്കാഞ്ചേരി മുള്ളൂർക്കരയിൽ കരിങ്കൽ ക്വാറിയിൽ വൻ സ്ഫോടനം. ഒരാൾ മരിച്ചു. നാലു പേര്‍ക്ക് ഗുരുതര പരിക്കേറ്റതായാണ് സൂചന.വടക്കാഞ്ചേരി വാഴക്കോട് വളവ് മൂലയിൽ ഹസനാരുടെ മകൻ അബ്ദുൽ നൗഷാദ് ആണ് മരിച്ചത്.

പരുക്കേറ്റവരെ മെഡിക്കൽ കോളജ് ആശുപത്രിയിലെത്തിച്ചു. ഡിറ്റനേറ്റർ പൊട്ടിത്തെറിച്ചാണ് അപകടമെന്നു സംശയിക്കുന്നു. ഒന്നര വര്‍ഷമായി പൂട്ടിക്കിടക്കുന്ന ക്വാറിയിലാണ് അപടകമുണ്ടായത്. സ്‌ഫോടനത്തില്‍ സമീപമുള്ള വീടുകള്‍ക്കും കേടുപാടുകള്‍ സംഭവിച്ചിട്ടുണ്ട്.