കണ്ണൂരില്‍ ഉഗ്രസ്ഫോടന ശേഷിയുള്ള ബോംബുകള്‍ ഒളിപ്പിച്ച നിലയിൽ !

കണ്ണൂര്‍: പാനൂരിനടുത്തുള്ള മുത്താറി പീടികയില്‍ ഒളിപ്പിച്ച നിലയിൽ ബോംബുകള്‍ കണ്ടെത്തി. ഉഗ്രസ്ഫോടന ശേഷിയുള്ള നാല് നാടന്‍ ബോംബുകളാണ് പൊലീസ് സംഘം പരിശോധനയില്‍ കണ്ടെത്തിയത്. പുതുതായി നിര്‍മ്മിച്ച ബോംബുകളെന്നാണ് പ്രാഥമിക വിലയിരുത്തല്‍.

ആളൊഴിഞ്ഞ പറമ്പിലെ ഇടവഴിയില്‍ ഒളിപ്പിച്ച നിലയിലായിരുന്നു ബോംബുകള്‍. പാനൂര്‍ പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് സ്ഥലത്ത് ബോംബ് സ്‌ക്വാഡെത്തി പരിശോധന നടത്തിയത്.