400 കിലോമീറ്റര്‍ ദൂരപരിധി; ബ്രഹ്മോസ് മിസൈല്‍ വിജയകരമായി പരീക്ഷിച്ചു; പരീക്ഷണം അതിര്‍ത്തിയില്‍ ചൈനയുമായുളള സംഘര്‍ഷം തുടരുന്നതിനിടെ !

ഡല്‍ഹി: സൂപ്പര്‍ സോണിക് ക്രൂയിസ് മിസൈലായ ബ്രഹ്മോസ് വിജയകരമായി പരീക്ഷിച്ചു. 400 കിലോമീറ്റര്‍ ദൂരെയുളള ലക്ഷ്യസ്ഥാനം തകര്‍ക്കാന്‍ ശേഷിയുളളതാണ് ബ്രഹ്മോസ്.

അതിര്‍ത്തിയില്‍ ചൈനയുമായുളള സംഘര്‍ഷം തുടരുന്നതിനിടെയുളള മിസൈല്‍ പരീക്ഷണം ഏറെ പ്രാധാന്യമുളളതാണ്. പ്രമുഖ പൊതുമേഖല പ്രതിരോധ ഗവേഷണ സ്ഥാപനമായ ഡിആര്‍ഡഒയുടെ നേതൃത്വത്തിലായിരുന്നു പരീക്ഷണം.

ഡിആര്‍ഡിഒയുടെ പിജെ- 10 പ്രോജക്ടിന്റെ ഭാഗമായാണ് പരീക്ഷണം നടന്നത്. തദ്ദേശീയമായി വികസിപ്പിച്ചെടുത്ത ബൂസ്റ്റേഴ്‌സ് ഉപയോഗിച്ചായിരുന്നു മിസൈല്‍ തൊടുത്തത്.