കോവിഡിനെ തുരത്താന്‍ പ്രത്യേക തരം പനംകള്ള് വലിയ അളവില്‍ സേവിച്ചാല്‍ മതി; രോഗം വരാതിരിക്കാന്‍ കുട്ടികള്‍ക്കും കൊടുക്കണം; പുതിയ കണ്ടെത്തലുമായി ബി.എസ്.പി നേതാവ്‌

ലക്‌നൗ: കോവിഡിനെ തുരത്താന്‍ വലിയ അളവില്‍ നാടന്‍ മദ്യം സേവിച്ചാല്‍ മതിയെന്ന വിവാദ പ്രസ്താവനയുമായി ഉത്തര്‍പ്രദേശിലെ ബഹുജന്‍ സമാജ് വാദി പാര്‍ട്ടി (ബി.എസ്.പി)

തലവന്‍ ഭീം രാജ്ഭര്‍.

ടാഡി ( പ്രത്യേകതരം പനംകള്ള്) വലിയ അളവില്‍ കുടിച്ചാല്‍ രോഗ പ്രതിരോധ ശേഷി വര്‍ധിപ്പിക്കുമെന്നാണ് ബി.എസ്.പി തലവന്റെ പ്രസ്താവന.

തിങ്കളാഴ്ച രസ്നയില്‍ നടന്ന പാര്‍ട്ടി യോഗത്തിനിടെയാണ് രാജ്ഭര്‍ വിചിത്രമായ കണ്ടെത്തലിനെ കുറിച്ച് പറഞ്ഞത്. രാജ്ഭര്‍ വിഭാഗത്തിലെ കുട്ടികള്‍ക്ക് ഇത് നല്‍കണമെന്നും രോഗം വരാതിരിക്കാന്‍ സഹായിക്കുമെന്നുമാണ് പറയുന്നത്.

എന്നാല്‍ യാതൊരുവിധ ശാസ്ത്രീയ വശവും കാണാതൊയാണ് ഭീംരാജ്ഭര്‍ പ്രസ്താവന നടത്തിയത്.

പരിപാടിയില്‍ വെച്ച് മുന്‍ ഉത്തര്‍പ്രദേശ് മന്ത്രി സുഹല്‍ ദേവിനേയും ബിഎസ്പി മേധാവി ഓം പ്രകാശ് രാജ്ഭറിനെയും ഭീം രാജ്ഭര്‍ വിമര്‍ശിച്ചു. ചിലര്‍ രാജ്ഭര്‍ സമുദായത്തിലെ ആളുകളെ തെറ്റിദ്ധരിപ്പിക്കാന്‍ ശ്രമിക്കുന്നെന്നായിരുന്നു ആക്ഷേപം.