ലക്നോ: പൗരത്വ നിയമ ഭേദഗതിക്കെതിരേയുള്ള പ്രതിഷേധത്തിനിടെ പ്രകോപനപരമായ പ്രസംഗം നടത്തിയെന്നാരോപിച്ച് ഉത്തര്പ്രദേശ് പോലീസ് മുംബൈയില്നിന്ന് അറസ്റ്റു ചെയ്ത ഡോ. കഫീല് ഖാന് ജാമ്യം.
അലീഗഡ് സിജെഎം കോടതിയാണ് ജാമ്യം അനുവദിച്ചത്.60,000 രൂപയുടെ ബോണ്ടിന്മേലും 60,000 രൂപയുടെ രണ്ട് ആള്ജാമ്യത്തിലുമാണ് കോടതി ജാമ്യം അനുവദിച്ചത്.
2019 ഡിസംബര് 12ന് അലിഗഡ് മുസ്ലിം സര്വകലാശാലയില് നടന്ന പ്രതിഷേധത്തിനിടെ നടത്തിയ പ്രസംഗത്തിന്റെ പേരിലായിരുന്നു ജനുവരി 29 ബുധനാഴ്ചയാണ് കഫീല് ഖാനെ അറസ്റ്റ് ചെയ്തത്.
ഉത്തര്പ്രദേശിലെ ഗൊരഖ്പുര് ബിആര്ഡി മെഡിക്കല് കോളജില് ഓക്സിജനില്ലാതെ കുട്ടികള് മരിച്ച വാര്ത്തയുമായി ബന്ധപ്പെട്ടാണു കഫീല് ഖാന് വാര്ത്തകളില് നിറയുന്നത്.