കുവൈറ്റ് : കുവൈറ്റില് റസിഡന്ഷ്യല് പ്രദേശങ്ങളില് താമസിക്കുന്ന ബാച്ചിലര്മാരെ ഒഴിപ്പിക്കുന്നതിനായി കുവൈറ്റ് മുന്സിപാലിറ്റിയുടെ ശ്രമങ്ങള് തുടരുന്നു. ഇതുവരെ ആറ് ഗവര്ണറേറ്ററുകളിലായി 428 ഓളം സ്റ്റിക്കറുകളാണ് അധികൃതര് വിതരണം ചെയ്തിരിക്കുന്നത്. 102 നിയമലംഘനങ്ങള് കണ്ടെത്തുകയും 70 പരാതികള് സ്വീകരിക്കുകയും ചെയ്തിട്ടുണ്ട്.
Advertisment
ജഹ്റ ഗവര്ണറേറ്റില് നിന്നുതന്നെ 40ഓളം പരാതികളാണ് ലഭിച്ചത്. ബാച്ചിലര്മാരെ ഒഴിപ്പിച്ച 53ഓളം വീട്ടുടമകളുടെ ഭാഗത്തു നിന്നും മികച്ച പ്രതികരണവും ലഭിച്ചിട്ടുണ്ട്.
ജല-വൈദ്യുതമന്ത്രാലയവുമായി സഹകരിച്ച് 70 കെട്ടിടങ്ങളില് നിന്നുള്ള വൈദ്യുതി ബന്ധം വിച്ഛേദിച്ചിട്ടുണ്ട് . മന്ത്രാലയം നടത്തിയ പരിശോധനയില് മറ്റ് 15 കെട്ടിടങ്ങളില് കൂടി ബാച്ചിലേഴ്സ് ഉണ്ടെന്ന് സ്ഥിരീകരിച്ചിട്ടുണ്ട്.