പനാജി: കാറപകടത്തില് പരിക്കേറ്റ് ഗോവ മെഡിക്കല് കോളജില് ചികിത്സയില് കഴിയുന്ന കേന്ദ്ര ആയുഷ് മന്ത്രി ശ്രീപദ് നായിക്കിന്റെ ആരോഗ്യനില മെച്ചപ്പെട്ടു. നാലോ അഞ്ചോ ദിവസത്തിനുള്ളില് അദ്ദേഹത്തെ ഡിസ്ചാര്ജ് ചെയ്യുമെന്നും ഡോക്ടര്മാര് പറഞ്ഞു.
എല്ലാവരുടെയും പ്രാര്ഥനയാല് അപകടത്തില്നിന്ന് കരകയറിയതായി ശ്രീപദ് നായിക് പറഞ്ഞു. തന്നെ കാണാന് ആളുകള് ആശുപത്രിയിലേക്ക് വരരുതെന്ന് അഭ്യര്ഥിക്കുന്നു. നാലോ അഞ്ചോ ദിവസത്തിനുള്ളില് തന്നെ ഡിസ്ചാര്ജ് ചെയ്യും. അതിനുശേഷം എല്ലാവരെയും കാണുമെന്നും ശ്രീപദ് നായിക് പറഞ്ഞു.
ഉത്തര കന്നഡയിലെ അങ്കോലയില് ജനുവരി 12ന് ഉണ്ടായ അപകടത്തില് ശ്രീപദിന്റെ ഭാര്യയും പ്രൈവറ്റ് സെക്രട്ടറിയും മരിച്ചിരുന്നു.