ന്യൂഡല്ഹി: ഡല്ഹിയിലെ ഷഹീന് ബാഗില് പൗരത്വ ഭേദഗതിക്കെതിരെ പ്രതിഷേധിക്കുന്ന സ്ത്രീകളെ അപമാനിച്ച ബിജെപി ഐടി സെല് തലവന് അമിത് മാളവ്യക്കെതിരെ ഒരു കോടി രൂപയുടെ മാനനഷ്ടക്കേസ് ഫയല് ചെയ്തു. പ്രതിഷേധക്കാരെ അപകീര്ത്തിപ്പെടുത്തുന്ന തരത്തിലുള്ള വീഡിയോ പ്രചരിപ്പിച്ചതിനെതിരെയാണ് കേസ് ഫയല് ചെയ്തത്. രണ്ട് സ്ത്രീകളാണ് മാളവ്യക്കെതിരെ കേസ് നല്കിയിരിക്കുന്നത്.
'പ്രതിഷേധത്തില് പങ്കെടുക്കാന് 500 മുതല് 700 രൂപ വരെ സ്ത്രീകള് വാങ്ങുന്നുണ്ടെന്ന് ആരോപിക്കുന്ന വീഡിയോ മാളവ്യ ട്വിറ്ററിലൂടെ പങ്കുവച്ചിരുന്നു. ഇത്തരം പ്രസ്താവനകള് തെറ്റാണെന്നും പ്രതിഷേധക്കാരെ അപകീര്ത്തിപ്പെടുത്താനുള്ളതാണെന്നും നോട്ടീസില് പറയുന്നു. പ്രതിഷേധക്കാരെ അപകീര്ത്തിപ്പെടുത്തിയതിനാല് മാളവ്യ ഒരു കോടി രൂപ നഷ്ട പരിഹാരമായി നല്കണമെന്നും നോട്ടീസില് വ്യക്തമാക്കുന്നു.
പൗരത്വ ഭേദഗതി നിയമത്തിനെതിരെ ഒരു മാസത്തിലേറെയായി ഷഹീന് ബാഗില് ആയിരക്കണക്കിന് സ്ത്രീകളും കുട്ടികളും പ്രതിഷേധിക്കുന്നു. ഇവര്ക്ക് പിന്തുണയുമായി ജാമിയ മില്ലിയയിലെ വിദ്യാര്ത്ഥികളുമുണ്ട്.