ഭോപാല്: ആമസോണ് പ്രൈമില് സംപ്രേഷണം ചെയ്തുവരുന്ന 'താണ്ഡവ്' വെബ് സീരീസിനെതിരെ കേസെടുക്കുമെന്ന് മധ്യപ്രദേശ് ആഭ്യന്തര മന്ത്രി നരോത്തം മിശ്ര. ഹിന്ദുമത വികാരം വ്രണപ്പെടുത്തിയന്നാരോപിച്ചാണ് അണിയറ പ്രവര്ത്തകര്ക്കെതിരെയും അഭിനേതക്കള്ക്കെതിരെയും കേസെടുക്കാനാണ് സര്ക്കാര് ഒരുങ്ങുന്നത്.
നേരത്തെ ഉത്തര്പ്രദേശിലും മഹാരാഷ്ട്രയിലും വെബ്സീരീസിനെതിരെ കേസ് ഫയല് ചെയ്തിട്ടുണ്ട്. ഉത്തര് പ്രദേശില് ചൊവ്വാഴ്ച ഒരു കേസ് കൂടി ഫയല് ചെയ്തിട്ടുണ്ട്.
എന്തു കൊണ്ടാണ് ഇത്തരം ആളുകള് ഹിന്ദു വികാരങ്ങളെ മാത്രം ലക്ഷ്യമിടുന്നതെന്നും മറ്റ് മതങ്ങള്ക്കെതിരെ അവര് നീങ്ങുന്നില്ലെന്നും മിശ്ര ചോദിച്ചു. ഇതിനെതിരെ പ്രതികരിക്കുേമ്ബാള് മറ്റ് രാഷ്ട്രീയ പാര്ട്ടികള്ക്ക് അത് മോശം കാര്യമായി തോന്നുതെന്താണെന്നറിയില്ലെന്നും അദ്ദേഹം പറഞ്ഞു. സംഭവത്തില് മുഖ്യമന്ത്രി ശിവ്രാജ് സിങ് ചൗഹാനും രൂക്ഷമായാണ് പ്രതികരിച്ചത്.
ഹിന്ദു വിശ്വാസങ്ങളെ വേദനിപ്പിക്കാനോ ദൈവങ്ങളെ അപമാനിക്കാനോ ആര്ക്കും അവകാശമില്ലെന്ന് അദ്ദേഹം ട്വിറ്ററില് കുറിച്ചു. ഒ.ടി.ടി പ്ലാറ്റ്ഫോമുകളിലൂടെ ഇത്തരം അശ്ലീലങ്ങള് വിതരണം ചെയ്യുന്നത് യുവ തലമുറക്ക് നല്ലതല്ല. ഇത്തരം പ്ലാറ്റ്ഫോമുകള് സൂക്ഷ്മമായി നിരീക്ഷിക്കേണ്ടത് ആവശ്യമാണ്. കേന്ദ്ര സര്ക്കാര് സംഭവത്തില് സ്വമേധയാ കേസ് രജിസ്റ്റര് ചെയ്യുമെന്നും ചൗഹാന് കൂട്ടിച്ചേര്ത്തു.
അതേസമയം, താണ്ഡവിെന്റ അറിയറ പ്രവര്ത്തകര് സംഭവത്തില് ഖേദം പ്രകടിപ്പിച്ച് രംഗെതത്തിയിരുന്നു. മനപ്പൂര്വം ഹിന്ദുമത വിശ്വാസങ്ങളെ അപമാനിക്കാനായി ഒന്നും ചെയ്തിട്ടില്ലെന്ന് സംവിധായകന് അലി അബ്ബാസും നിര്മാതാവ് ഹിമാന്ഷു കൃഷ്ണ മെഹ്റയും പറഞ്ഞു.