വിഷു ഉള്‍പ്പെടെയുള്ള വിവിധ ആഘോഷങ്ങള്‍; പ്രത്യേക പരിപാടിയുമായി കുവൈറ്റിലെ ഇന്ത്യന്‍ എംബസി

കുവൈറ്റ് സിറ്റി: വിഷു, പൂത്താണ്ട്, ഉഗാഡി, ഗുഡി പദ്വ, ബിഹു, ബൈശാഖി, വൈശാഖാദി എന്നീ ആഘോഷങ്ങളോട് അനുബന്ധിച്ച് കുവൈറ്റിലെ ഇന്ത്യന്‍ എംബസി പ്രത്യേക പരിപാടി സംഘടിപ്പിച്ചു. ഇന്ത്യന്‍ സ്ഥാനപതി സിബി ജോര്‍ജ് കുവൈറ്റിലെ ഇന്ത്യന്‍ സമൂഹത്തിന് ആശംസകള്‍ നേര്‍ന്നു.

ഇന്ത്യയുടെ സമ്പന്നമായ വൈവിധ്യത്തെക്കുറിച്ചും സംസ്‌കാരത്തെക്കുറിച്ചും അദ്ദേഹം സംസാരിച്ചു. റമദാന്‍ മാസത്തെക്കുറിച്ചും അദ്ദേഹം സംസാരിച്ചു.

കുവൈറ്റിലെ സയന്‍സ് ഇന്റര്‍നാഷണല്‍ ഫോറം നടത്തിയ ശാസ്ത്രപ്രതിഭ മത്സരത്തിലെ വിജയികളെ അദ്ദേഹം അനുമോദിച്ചു.

പരിപാടിക്കിടെ, ഓഡിയന്‍സ് ക്വിസ് സംഘടിപ്പിക്കുകയും വിജയികള്‍ക്ക് സമ്മാനം വിതരണം ചെയ്യുകയും ചെയ്തു. ഇന്ത്യയുടെ വൈവിധ്യമാർന്ന ഉത്സവ പാരമ്പര്യങ്ങൾ പ്രദർശിപ്പിക്കുന്ന ഒരു ഹ്രസ്വ സാംസ്കാരിക പരിപാടി സംഘടിപ്പിച്ചു.

സാംസ്കാരിക പരിപാടിയിൽ ഹ്രസ്വ ഓഡിയോ വീഡിയോ ക്ലിപ്പുകൾ, ഗാനം, നൃത്ത പ്രകടനങ്ങൾ എന്നിവ ഉണ്ടായിരുന്നു. കുവൈത്തിലെ വിവിധ മേഖലകളിലുള്ളവർ പരിപാടിയിൽ പങ്കെടുത്തു.