ആലപ്പുഴ: ചെങ്ങന്നൂരില് ബി.ജെ.പി.യുടെ പി.എസ്. ശ്രീധരന്പിള്ളയെതന്നെ വീണ്ടും എന്.ഡി.എ. സ്ഥാനാര്ഥിയാക്കാന് ധാരണയായതായി സൂചന. വീണ്ടും മത്സരിക്കാന് ശ്രീധരന്പിള്ള ആദ്യം വിമുഖത പ്രകടിപ്പിച്ചിരുന്നു. എന്നാല് സംഘപരിവാര്, ബിജെപി നേതാക്കള് ഉള്പ്പെടെ നടത്തിയ സമ്മര്ദത്തില് മത്സരിക്കാന് സന്നദ്ധത അറിയിക്കുകയായിരുന്നു .
അതേസമയം , എന്.ഡി.എ. യോഗത്തിനു ശേഷമേ പ്രഖ്യാപനം ഉണ്ടാകൂ എന്ന് ബി.ജെ.പി. സംസ്ഥാന അധ്യക്ഷന് കുമ്മനം രാജശേഖരന് പറഞ്ഞു.
കഴിഞ്ഞതവണ ചെങ്ങന്നൂരില് മികച്ച പ്രകടനം കാഴ്ചവെച്ചുവെന്നതാണ് ശ്രീധരന്പിള്ളയെ വീണ്ടും മത്സരിപ്പിക്കുന്നതിന് നേതൃത്വത്തെ പ്രേരിപ്പിക്കുന്നത്. ശ്രീധരന്പിള്ള തന്നെ സ്ഥാനാര്ഥിയാകണമെന്ന് എന്.ഡി.എ. ഘടകകക്ഷികളും ബി.ജെ.പി. നേതൃത്വത്തോട് ആവശ്യപ്പെട്ടിരുന്നു.
ശ്രീധരന്പിള്ളയല്ല സ്ഥാനാര്ഥിയെങ്കില് ഈ സീറ്റില് മത്സരിക്കാന് താല്പര്യമുണ്ടെന്ന് കേരളാ കോണ്ഗ്രസ് നേതാവും മുന് എംപിയുമായ പി.സി. തോമസ് ബി.ജെ.പി. ദേശീയാധ്യക്ഷന് അമിത്ഷായെ അറിയിച്ചിരുന്നു. വെള്ളിയാഴ്ചത്തെ നേതൃയോഗത്തിനുശേഷം ബി.ഡി.ജെ.എസ്. നേതാക്കളും പി.എസ്. ശ്രീധരന്പിള്ളയെ പിന്തുണയ്ക്കാമെന്ന് അറിയിച്ചിട്ടുണ്ട് .