ന്യൂഡല്ഹി: ദേശീയ പൗരത്വ രജിസ്റ്റര് പീഡനമാണെന്ന മുന് പരാമര്ശത്തില് വിശദീകരണവുമായി എഴുത്തുകാരന് ചേതന് ഭഗത്. പൗരത്വ രജിസ്റ്റര് മതേതരമായിരിക്കാം, പക്ഷേ അത് ജനങ്ങള്ക്ക് വലിയ ഉപദ്രവമാണെന്നു ചേതന് ഭഗത് പറഞ്ഞു.
ദേശീയ പൗരത്വ രജിസ്റ്റര് വലിയ ചിലവുവരുന്നതും അര്ഥമില്ലാത്തതുമായ പ്രവര്ത്തനമാണ്. ഇത് ആഭ്യന്തര യുദ്ധത്തിനു വഴിവയ്ക്കും. എല്ലാ രേഖകളും നഷ്ടപ്പെട്ടവര് എന്താണ് ചെയ്യുക. എല്ലാ രേഖകളുമുണ്ടെങ്കിലും ഉദ്യോഗസ്ഥര്ക്ക് അതു നിരസിക്കാം. അപ്പോള് കോടതിയെ സമീപിക്കുക എന്നതു മാത്രമാണു പോംവഴിയെന്നും ചേതന് ചൂണ്ടിക്കാട്ടി.
നിലവില് ജനങ്ങള്ക്കുള്ള ഭീതി യഥാര്ഥമാണ്. സര്ക്കാര് വലിയ ഭയം സൃഷ്ടിക്കുന്നു, പ്രത്യേകിച്ചു ന്യൂനപക്ഷ വിഭാഗങ്ങളില്. ദേശീയ പൗരത്വ രജിസ്റ്റര് മതേതരമായിരിക്കാം, പക്ഷേ അതു പീഡനമാണ്. വോട്ടര് ഐഡി, ആധാര്, പാസ്പോര്ട്ട് ഒന്നും ബാധകമല്ല. എത്ര തവണ ജനങ്ങള് വ്യക്തിത്വം തെളിയിക്കേണ്ടി വരും. ഇത് എപ്പോഴാണ് അവസാനിക്കുന്നത്- ചേതന് ചോദിച്ചു.