ഗോഹട്ടി: പൗരത്വ ഭേദഗതി നിയമത്തിനെതിരായ പ്രതിഷേധം ആസാമില് കത്തിപ്പടരുന്നു. ബിജെപി എംഎല്എ ബിനോദ് ഹസാരികയുടെ വീടിന് പ്രക്ഷോഭകര് തീവച്ചു.
ചബുവയിലെ വീട്ടിലേക്ക് നൂറ്റന്പതോളം വരുന്ന പ്രതിഷേധക്കാര് ഇരച്ചെത്തി ആക്രമണം നടത്തുകയായിരുന്നുവെന്ന് ബിനോദ് ഹസാരിക പറഞ്ഞു.
ഇതിനിടെ, ചിലയിടങ്ങളില് ബിജെപിയുടെ ഓഫീസുകള് ആക്രമിക്കാനും ശ്രമം നടന്നു. സംസ്ഥാനത്ത് നൂറുകണക്കിന് വാഹനങ്ങളാണ് പ്രക്ഷോഭകാരികള് കത്തിച്ചത്. ഇന്റര്നെറ്റ് സര്വീസ് റദ്ദാക്കിയ നടപടി സംസ്ഥാനം മുഴുവന് 48 മണിക്കൂര് നേരത്തേക്കുകൂടി നീട്ടിയിട്ടുണ്ട്.