കോല്ക്കത്ത: പൗരത്വ നിയമ ഭേദഗതി ബില് പശ്ചിമ ബംഗാളില് ആദ്യം നടപ്പാക്കുമെന്ന് ബിജെപി. മുഖ്യമന്ത്രി മമത ബാനര്ജിക്ക് പൗരത്വ ഭേദഗതി ബില് തടയാനാവില്ലെന്നും ബിജെപി സംസ്ഥാന അധ്യക്ഷന് ദിലീപ് ഘോഷ് പറഞ്ഞു.
പശ്ചിമ ബംഗാളില് പൗരത്വ ബില് നടപ്പാക്കില്ലെന്ന് മമത വ്യക്തമാക്കിയതിനു പിന്നാലെയാണ് ബിജെപി രംഗത്തെത്തിയത്. വോട്ട് ബാങ്ക് നഷ്ടമാകുമോ എന്ന ഭീതിയാണ് മമതയുടെ എതിര്പ്പിനു പിന്നില്.
അനധികൃത കുടിയേറ്റക്കാരെക്കുറിച്ചാണ് മമതയുടെ ആശങ്കയെന്നും ദിലീപ് ഘോഷ് കൂട്ടിച്ചേര്ത്തു. പാര്ലമെന്റ് പാസാക്കിയതാണെങ്കില്പോലും ഭേദഗതി നിയമം തങ്ങള് നടപ്പാക്കില്ലെന്ന് മമത പറഞ്ഞിരുന്നു.