കൊച്ചി: പ്രൊഫ. എം. കെ. സാനു രചിച്ച കുമാരനാശാന്റെ ജീവചരിത്രം - മൃത്യുഞ്ജയം കാവ്യജീവിതം - ഇന്ന് (മാര്ച്ച് 6) വൈകീട്ട് 4-ന് കൃതി പുസ്തകമേളയില് പ്രകാശിപ്പിക്കും.
മുന്എംപിയും സിപിഎം ജില്ലാ സെക്രട്ടറിയുമായി പി. രാജീവിന്റെ അധ്യക്ഷതയില് ചേരുന്ന ചടങ്ങില് സഹകരണ, ടൂറിസം വകുപ്പു മന്ത്രി കടകംപള്ളി സുരേന്ദ്രന് ഗ്രന്ഥാലോകം എഡിറ്ററും കൃതി ജനറല് കണ്വീനറുമായ എസ്. രമേശനു നല്കിയാണ് മലയാള ജീവചരിത്രശാഖയില് സവിശേഷ സ്ഥാനം ലഭിച്ച ഈ കൃതി പ്രകാശനം ചെയ്യുക.
ഡോ. സെബാസ്റ്റിയന് പോള് ആശംസാപ്രസംഗം നടത്തും. ആശാന്റെ ജീവിതവും കവിതയും നവോത്ഥാന പ്രവര്ത്തനങ്ങളും സൂക്ഷ്മമായി അവതരിപ്പിക്കുന്ന ഗ്രന്ഥമാണ് മൃത്യുഞ്ജയം കാവ്യജീവിതം.