- ടി. ശ്രുതി
തോരാതെ പെയ്യൂന്നു ചാറ്റൽ മഴ
കൺതടങ്ങളിൽ കെട്ടിക്കിടക്കുന്നു ദ്വന്ദ ഭാവം
നീയെന്നിലണിയിച്ച വെള്ളിക്കൊലുസൂകൾ
അഴിഞ്ഞു വീണപ്പൊഴൊ ചങ്ങലപ്പാടുകൾ
മാറ്റിഞാനെന്നുടെ നിഷ്ടകളൊക്കെയും
ഉടലോടെ പിഴുതെറിഞ്ഞെന്നുടെ ഇഷ്ടവും
എന്നിട്ടുമെന്തേയറിയാതെ നീ പോയി
മദ്ധ്യയാമത്തിലെപ്പൊഴോ വിടരുന്ന
നിശാഗന്ധിയോ മായുന്ന മിഥ്യയോ
പുലരുവോളം നിന്റെ സുഗന്ധത്തെ
ഉള്ളിലെ ചെപ്പിലടച്ചവൾ ഞാൻ
നിനക്കായ് തീർത്തൊരു പ്രണയകുടീരം
ഇന്നെനിക്കവിഹിത ഗർഭം പോലെയായി
ഞാനെരീഞ്ഞമരട്ടെയീയഗ്നീ കുണ്ഠത്തിൽ
ശലഭമായ് എത്തുമോ എന്റെ ചാരേ
അറിയുന്നു എന്നിലെ അഗ്നിയെ പ്രണയിച്ച
മഴയെന്നെ പുണരാതിരിക്കുമോ അല്പനേരം