follow us

1 USD = 64.901 INR » More

As On 23-09-2017 09:23 IST

കന്യകമാര്‍ക്ക് ദേഹശുദ്ധി വരുത്തുന്ന സ്വാമി മുതല്‍ ബാംഗ്ലൂരിലെ ശ്വാസം വിടുന്ന ഡബിള്‍ ശ്രീമാനും പാലക്കാട്ടെയും വള്ളിക്കാവിലെയും സ്വാമി - സ്വാമിനിമാരുമൊക്കെ മോക്ഷം നല്‍കാന്‍ ശ്രമിക്കുന്നത് ആര്‍ക്കൊക്കെ ? പിന്നെയും ഭേദം ശുദ്ധനായ റൈഫിള്‍ സ്വാമിതന്നെയോ ?

ദാസനും വിജയനും » Posted : 31/08/2017

ആസാമിമാരെ കുറിച്ച് ഈയവസരത്തില്‍ എന്തെങ്കിലും എഴുതിയില്ലെങ്കിൽ പിന്നെന്തിന് നാമൊക്കെ ജീവിക്കുന്നു എന്ന് തോന്നിപ്പോകുന്നു. ചെകുത്താന്റെ അമ്മയെ വന്ദിച്ചില്ലെങ്കിലും നിന്ദിക്കാതിരിക്കുക എന്നൊക്കെ പറയാറുണ്ടെങ്കിലും ഇവരുടെ കാര്യത്തില്‍ അങ്ങനെ വയ്യ . അവരും ദൈവമല്ലേ , അല്ലേ ?

കേരളത്തിലെ അതിർത്തി ഗ്രാമത്തിലെ ഒരുഗ്രൻ സ്വാമിജിക്ക് ഒരാളോട് അമിതമായ ഇഷ്ടം. ഇഷ്ടമല്ല അതിനപ്പുറമാണെന്ന് എന്ന് തോന്നിപ്പോകുന്ന കാണിച്ചു കൂട്ടലുകൾ. സ്വാമിയും ആണ് തന്നെ ഇഷ്ടപ്പെടുന്ന ആളും ആണ് തന്നെ. അപ്പോൾ പിന്നെ ഇഷ്ടത്തിന്റെ വ്യാപ്തി മനസ്സിലായി കാണുമല്ലോ ?



സ്വാമിജി ആണേൽ സ്വന്തം ഭാര്യയെ തന്റേതല്ലാത്ത കാരണത്താൽ വേർപെടുത്തിയ ആളും. ബാംഗ്ലൂരിലെ ശ്വാസം വിടുന്ന ഡബിള്‍ ശ്രീമാന്‍ സ്വാമിയാണ് ഈ കോയമ്പത്തൂര്‍ അതിര്‍ത്തി ഗ്രാമത്തിലെ സ്വാമിയുടെ ധൈര്യം. ശ്വാസം വിടുന്ന സ്വാമിജി സംസാരിക്കുമ്പോള്‍ നമുക്ക് ജയിലിൽ കിടക്കുന്ന ദിലീപിന്റെ മറ്റേ ചിത്രം ഓർമ്മവരും. എന്തിനധികം പറയുന്നു.

സ്വാമിജിയെ കാണുവാൻ സമയം ചോദിച്ച ആളിനോട് രാത്രി ഒമ്പത് മണിക്ക് കാണാം എന്ന് പറഞ്ഞു. പാലക്കാട്ടെ ശ്രീചക്രയിൽ വെച്ചായിരുന്നു മീറ്റിങ്. സ്വാമിജിയുടെ സ്വകാര്യമുറിയിൽ മീറ്റിങ് കഴിഞ്ഞു. പക്ഷെ സ്വാമിജി അദ്ദേഹത്തെ പറഞ്ഞയക്കുവാൻ തയാറായിരുന്നില്ല. സ്വാമിജിക്ക് അമൃത് വേണമത്രേ ? അമൃത് കൊടുക്കുകയാണെകിൽ എല്ലാ തരത്തിലുള്ള അരിഷ്ടതകളും പമ്പ കടക്കും എന്നാണ് സ്വാമിജി അദ്ദേഹത്തെ ഉപദേശിച്ചത്.

അന്ന് എന്തുകൊണ്ടോ അമൃത് എടുക്കുവാൻ അദ്ദേഹം സമ്മതിച്ചില്ല. പിന്നീട് ഇവർ തമ്മിൽ ദുബായിൽ വെച്ച് കണ്ടുമുട്ടി . യാദൃശ്ചികമായല്ല , എല്ലാം പ്ലാനിങ്ങിന്റെ അടിസ്ഥാനത്തിലാണ് സ്വാമിജി ഇദ്ദേഹത്തെ കാണുവാൻ വന്നത് . ബർ ദുബായിലെ സിന്ധി കമ്മ്യുണിറ്റി ഗസ്റ്റ് ഹാവ്‌സിലേക്ക് സ്വാമിജി അദ്ദേഹത്തെ വീണ്ടും ക്ഷണിച്ചു .

രാത്രി പതിനൊന്ന് മണിക്ക് സ്വകാര്യമുറി ലോക്ക് ചെയ്തശേഷം സ്വാമിജി അമൃത് എടുത്തു . ഇപ്പോൾ അവർ തമ്മിൽ ബദ്ധ ശത്രുക്കളുമായി . ഇത് വായിക്കുമ്പോൾ സ്വാമിജി ഒന്ന് ഞെട്ടുമെങ്കിലും ഭരണ പ്രതിപക്ഷ പാർട്ടികളിലെ അനുയായികളെ ഓർത്ത് വീണ്ടും അഹങ്കാരം അമൃതായി മാറും എന്നുറപ്പ് .



ശരിക്കും ഇക്കാര്യത്തിൽ പാവം നമ്മുടെ റൈഫിൾ സ്വാമി തന്നെ . ശരിക്കും ചിന്തിച്ചാൽ ആ പഹയൻ പറയുന്നതിൽ കാര്യം ഇല്ലായ്കയില്ല . രാഷ്ട്രീയത്തിൽ പൂഞ്ഞാറുകാരൻ പോലെ ആത്മീയതയിൽ റൈഫിൾ സ്വാമി തന്നെ മിടുക്കൻ . എന്നിട്ടും വിഷ്ണു പ്രണോയ് ( എല്ലാവരും ഇപ്പൊ മറന്നു ) വിഷയത്തിൽ ചുമ്മാ പോലീസ് പിടിച്ചു കുടഞ്ഞു .

എന്നാലും വൈകുന്നേരങ്ങളിൽ ടിവിയിൽ വന്നിരുന്ന് ചിലക്കുന്ന കുറെ പണ്ടാരങ്ങളെ വെച്ച് നോക്കുമ്പോൾ റൈഫിൾ സ്വാമിജി എത്രയോ ഭേദം . പിന്നെ വള്ളിക്കാവിനെ കുറിച്ചോ അവിടത്തെ സ്വാമിമാരെ കുറിച്ചോ ഒന്നും പറയാതിരിക്കുന്നതാണ് നല്ലത് . രണ്ടു പെൺകുട്ടികളുടെ മരണം മുതൽ ആസ്ട്രേലിയക്കാരത്തി ഗെയിൽ ട്രെഡ്‌വെൽ വരെ എത്രയോ പ്രശ്നങ്ങൾ ആരൊക്കെ കുത്തിപ്പൊക്കി. എന്നിട്ടും ഒരു ചുക്കും സംഭവിച്ചില്ല . അതുകൊണ്ട് ആ വിഷയം അങ്ങ് മറന്നേക്കാം .

പിന്നെ കേരളത്തെക്കുറിച്ച് സംസാരിക്കുമ്പോൾ ജാതി സമവാക്യങ്ങൾ പാലിച്ചേ പറ്റൂ , ആയതിനാൽ മുരിങ്ങൂർ ആശ്രമത്തിൽ നൂറുകണക്കണിന് ആളുകളുടെ മരണവും ചേകന്നൂർ മൗലവിയുടെ തിരോധനവും അതുകഴിഞ്ഞുണ്ടായ പുകിലുകളും പറയാതെ വയ്യ . മനുഷ്യ ജീവന്റെ കാര്യത്തിൽ ഈ വക തെണ്ടികളെല്ലാം ഒരമ്മപെറ്റ മക്കളാണ് .



ജീവൻ കൊടുത്ത ആൾക്കേ ജീവൻ എടുക്കുവാൻ അധികമുള്ളൂ എന്നൊക്കെ ഇവന്മാർക്കൊക്കെ അറിയാമെങ്കിലും പിടിച്ചു നിൽക്കുവാൻ ഇവരൊക്കെ ജീവൻ വെച്ച് അമ്മാനമാടുന്നു . ഇവരെ സഹായിക്കുന്നതോ മനുഷ്യജീവന് ഒരു വിലയും കൽപ്പിക്കാത്ത രാഷ്ട്രീയ സദാചാര തെമ്മാടികളും .

തെണ്ടികൾ .. തെമ്മാടികള്‍ എന്നൊക്കെ പറയുമ്പോൾ വായിക്കുന്നവർക്ക് അരോചകം ആയി തോന്നിയേക്കാം . പക്ഷെ ആ വാക്ക് കണ്ടുപിടിച്ചത് തന്നെ ഇവന്മാരെപോലെയുള്ളവരിൽ പ്രയോഗിക്കുവാനാണ് . തനിക്കൊപ്പം കിടക്ക പങ്കിട്ടാല്‍ നീ ശുദ്ധീകരിക്കപെടും എന്ന് പ്രായപൂര്‍ത്തിയാകാത്ത പെണ്‍കുട്ടിയോട് പറയുന്ന ഇവരെ അല്ലാതെ ഈ വാക്കുകളൊക്കെ വേറെ ആര്‍ക്കെതിരെ പ്രയോഗിക്കും എന്ന് പറയുക ? അല്ലാതെ ഡിക്ഷ്ണറിയിൽ ഒതുക്കി വെക്കാനല്ല .

ആയിരം മക്കളുള്ള നൂറു കണക്കിന് വണ്ടികളുള്ള കോടിക്കണക്കിന് ആരാധകരുള്ള രാം റഹിം മുതലാളി സുന്ദരാകില്ലാടി സ്വാമിജിയെയും അദ്ദേഹത്തിന്റെ മതത്തെ കുറിച്ചും പറയുന്നതിന് മുൻപായി നമ്മുടെ ബാ൦ഗ്ലൂരിലെ സ്വാമിജി നിത്യാനന്ദയെ ഓർമ്മവരും . നിത്യാനന്ദ സ്വാമി നിത്യവും ആനന്ദത്തിൽ തന്നെയാണ് കഴിഞ്ഞു കൂടിയത് .

ഒരു യാത്രാമൊഴിയിൽ ലാലേട്ടനോടൊപ്പം അഭിനയിച്ച ആ പാവം രഞ്ജിതയുമായി നിത്യവും ആനന്ദത്തിൽ ഏർപ്പെടുന്ന വീഡിയോ ഇപ്പോൾ യു ട്യൂബിൽ തപ്പിയാലും കാണാം. ഈ സ്വാമിജിയുടെ ആയിരത്തി അഞ്ഞൂറ് കോടിയോളം രൂപ തമിഴ്‍നാട്ടിലെ ബാങ്കുകളിൽ ഉണ്ട് . അത് റിലീസ് ചെയ്യുവാനായി ജയലളിതയെ കാണുവാൻ ശശികലയെ സമീപിച്ചു .

അരമണിക്കൂർ മീറ്റിംഗിന് ശശികല പറഞ്ഞത് അൻപത് കോടി രൂപയായിരുന്നു . ആ മീറ്റിങ് നടന്നുവോ ഇല്ലയോ എന്നറിയില്ല . പക്ഷെ ഇതാണ് ലോകം . അവിടെയും ഈ സ്വാമിജിയെ പാര വെച്ചത് സ്വാമിജിയുടെ കളിക്കൂട്ടുകാരനായ ഒരു ചാന്ത് പൊട്ട് ആയിരുന്നു .

അവന് കിട്ടിയിരുന്ന അല്ലെങ്കിൽ അവൻ ആസ്വദിച്ചിരുന്ന സുഖങ്ങൾ ആ സിനിമാനടി തട്ടിയെടുത്തതിൽ മനം നൊന്താണ് അവൻ സ്വാമിജിയെ ക്യാമറയിൽ കുടുക്കിയത് . അതാണ് കാരണവന്മാർ പറയാറുള്ളത് , ആണും പെണ്ണും കെട്ട കളി കളിക്കല്ലേ എന്ന് . ആണിന്റെ അടുത്ത് അങ്കം വെട്ടാം പെണ്ണിന്റെ അടുത്തും അങ്കം കുറിക്കാം. പക്ഷെ ആണും പെണ്ണും കെട്ടവന്മാരുടെ അടുത്ത് കളിച്ചാൽ ഇങ്ങനെയിരിക്കും .



ഉത്തരേന്ത്യയിൽ മൊത്തമായി 5 കോടിയോളം ആരാധകരും അതുപോലെ വോട്ട് ബാങ്കും ഉണ്ടായിരുന്ന രാം റഹിം മുതലാളിക്ക് ഒറിജിനൽ ദൈവം വിധിച്ച ശിക്ഷ ഇരുപത് കൊല്ലം . അത് പോരാ എന്നാണ് നമുക്ക് തോന്നുന്നത് . കാരണം അസൂയ തന്നെ .

അത്രയധികം കളികളാണ് അങ്ങേര് കളിച്ചുകൂട്ടിയത് . ഈ വാർത്ത മാത്രം അരിച്ചുപെറുക്കി വായിച്ചില്ല . കാരണം നമ്മളൊക്കെ എന്തിനാണ് ഈ ലോകത്ത് ജീവിക്കുന്നു എന്ന് തോന്നിപ്പോകുന്ന അത്രേം കളികളാണ് ഇങ്ങേര് കാണിച്ചുകൂട്ടിയത് .

ഒന്നോ രണ്ടോ പെണ്ണുങ്ങളല്ല അങ്ങേർക്ക് കാഴ്ച വെച്ചത് . വളർത്തുമകൾ മുതൽ ഗോതമ്പിന്റെ നിറമുള്ള ആയിരക്കണക്കിന് പഞ്ചാബി ചേച്ചിമാരും അമ്മായിമാരും ഭർത്താക്കന്മാരുടെ സമ്മതത്തോടെയാണ് തുണിയുരിഞ്ഞത് . അതിന്റെ ഒരു സുഖവും ഭാഗ്യവും പറഞ്ഞറിക്കുവാൻ വയ്യ . കാമാഗ്നിയാൽ ജ്വലിക്കുന്ന ആയിരക്കണക്കിന് വീട്ടമ്മമാരെയാണ് ഈ പഹയൻ സര്‍വ്വസുരതത്തിന്‌ ഇടയാക്കിയത് .

കോടതിവിധിയിൽ പരാമർശിച്ച കാര്യം ഇവിടെ തർജ്ജമ ചെയുന്നു : "ആഗ്നേയർ ഈ പരിപാടി ആൺ-പെൺ ഭ്രൂണങ്ങളുമായി ബന്ധപ്പെട്ട പുരാതന ടന്തിക് രഹസ്യങ്ങളെ പഠനത്തിലും പ്രയോഗത്തിലും ഉൾപ്പെടുത്താവുന്നതാണ്, ലൈംഗിക ഊർജ്ജം വർദ്ധിപ്പിക്കൽ, ആത്മീയ ബന്ധം, സന്തോഷം, സൗഹാർദ്ദം, സ്വാതന്ത്ര്യം എന്നിവയ്ക്കായി ലൈംഗിക ശേഷി ഉപയോഗിക്കുന്നത് ഉൾപ്പെടെയുള്ള പ്രവർത്തനങ്ങൾ നഗ്നത, ദൃശ്യ ഇമേജുകൾ, ഗ്രാഫിക് ദൃശ്യ ചിത്രീകരണം, നഗ്നത, ലൈംഗിക പ്രവർത്തി എന്നിവയുടെ വിവരണം, ശാരീരിക സാമീപ്യം, അടുപ്പം, ലൈംഗിക ആംഗിൾ, ലിംഗ വിവരണങ്ങൾ, ലൈംഗിക സ്വഭാവമുള്ള, വൈകാരിക സ്വഭാവം തുടങ്ങിയവയുടെ ശബ്ദങ്ങൾ മുതലായവ എന്നിവ ശാരീരികവും മാനസികവുമായ വെല്ലുവിളികൾ നിറഞ്ഞതാണ്. "



ആശാറാം ബാപ്പു ഒരു കൊച്ചുപെണ്ണുമായി ഇരിക്കുന്ന ചിത്രം കാണുമ്പോൾ ഇന്ത്യയുടെ ജിഡിപി എത്ര ഉയർന്നാലും കാര്യമില്ല എന്ന് തോന്നിപ്പോകുന്നു . നമ്മുടെ പ്രഥമൻ ഏതൊക്കെ രാജ്യത്ത് പോയി ഡയലോഗ് അടിച്ചിട്ടും കാര്യമില്ലെന്ന് തോന്നുന്നു . എത്രയൊക്കെ ആളെ കൂട്ടി റാലി നടത്തി ഭായിയോം ബഹനോം വിളിച്ചിട്ടും കാര്യമില്ല . അത്രെം മോശമാണ് ഇക്കൂട്ടർ ഇന്ത്യ മഹാരാജ്യത്തിന് സംഭാവന നൽകുന്നത് .

ഇതൊക്കെ പെരുപ്പിച്ചു കാട്ടുവാനായി ഇറങ്ങിത്തിരിച്ചിരിക്കുന്ന ബിബിസിയും സിഎൻ എന്നും . ആശാറാം ബാപ്പുവിന്റെ വിചാരണ നേരം വൈകുന്നതിന്റെ ആശങ്ക സുപ്രീം കോടതി ഗുജറാത്ത് സർക്കാരിനെ അറിയിച്ചുകഴിഞ്ഞു . പിന്നെയുള്ളത് ഹാരിയനക്കാരൻ രാംപാൽ . അതും അടുത്ത ദിവസങ്ങളിൽ വിധി കാത്തുകിടക്കുന്ന ഒരു മഹാൻ .

ഒരു കാര്യം ഉറപ്പ് : എല്ലാ മതവിഭാഗങ്ങളിലും ഇത്തരം തെമ്മാടികൾ കുമിഞ്ഞു കൂടുകയാണ്. വോട്ട് ബാങ്ക് ഇതിൽ വലിയൊരു ഘടകമാണ് എന്നത് ഒഴിവാക്കുവാൻ വയ്യ . ഇവരൊക്കെ പണം സമ്പാദിച്ചു ആദ്യം പണിയുന്നത് ഒരു ആശുപതിയും പിന്നെ സ്‌കൂളും കോളേജുകളുമാണ് . ഇതാണ് ഇവരുടെയൊക്കെ പുകമറകൾ.

സ്വയം പ്രഖ്യാപിത ബിഷപ്‌ ഉള്‍പ്പെടെയുള്ള സുവിശേഷ പ്രസംഗികന്മാർ മുതൽ വെട്ടും കുത്തും റാതീബുകാർ വരെ ഇക്കാര്യത്തിൽ ഒരേ നിലപാടുകളാണ് സ്വീകരിക്കുന്നത് . സ്വന്തം വീടും അച്ഛനെയും അമ്മയെയും മക്കളെയും തിരിഞ്ഞുനോക്കാത്ത അറുപിശുക്കന്മാരാണ് ഇവരുടെ അനുയായികളിൽ കൂടുതലും .



ഈസി മണിയാണ് എല്ലാവരുടെയും ലക്‌ഷ്യം . ഈസി മണിക്കാർക്കു ഇപ്പോൾ ഇന്ത്യയിലെ മണ്ണ് അത്ര നല്ലതല്ല എന്ന് തോന്നിപ്പിക്കുന്ന അറസ്റ്റുകളാണ് ഈയിടെയായി കണ്ട് വരുന്നത് . ശശികലയും ദിലീപും ഗുർമീതും ഒക്കെ പഠിപ്പിക്കുന്ന പാഠവും ഇതുതന്നെയാണ് .

ഇനിയിപ്പോൾ ഇങ്ങനെ ഒന്നുരണ്ടുപേരെ അറസ്റ്റ് ചെയ്തുകൊണ്ട് ഒരു കളി കാഴ്ചവെച്ചാൽ അടുത്ത തിരഞ്ഞെടുപ്പിന് മുൻപായി എതിർപക്ഷത്തെ എല്ലാ രാഷ്ട്രീയ വൈരികളെയും അറസ്റ്റ് ചെയ്യാമെന്ന് ആരെങ്കിലും ഉപദേശം കൊടുത്തിട്ടാണോ എന്നും സംശയിക്കാതെ വയ്യ.

നിങ്ങൾ നന്നായാൽ നിങ്ങൾക്ക് നല്ലത് എന്നോർമ്മപെടുത്തിക്കൊണ്ട്,

റാംറഹിം വിശ്വാസിയായ ദാസനും ആഷാറാംബാപ്പുവിന്റെ ഡ്രൈവർ വിജയനും.






:) Your LIKE & SHARE can do More Than You Think !

More News

:( » © Sathyam Online.Com » 2011 - 2017. All Rights Reserved » Powered By : DesignMedia.in - Google+