കുറ്റകൃത്യങ്ങളും, കൊലപാതകങ്ങളും . അപഹരണങ്ങളും , മോഷണങ്ങളും ഒട്ടും കുറവില്ലാത്ത ഒരു സംസ്ഥാനമാണ് ജാര്‍ഖണ്ഡ്. ക്രമസമാധാന നിലയും ഒട്ടും മെച്ചമല്ല.
ജാര്‍ഖണ്ഡ് സംസ്ഥാന DGP ഡി.കെ.പാണ്ടെ കഴിഞ്ഞ നവരാത്രി ദിനത്തില്‍ ഒരു പാമ്പിനെയും കഴുത്തിലിട്ട് ശിവഭക്തനായി കാവിവസ്ത്രവും ധരിച്ചു നില്‍ക്കുന്ന ഫോട്ടോ സോഷ്യല്‍ മീഡിയയില്‍ ഇപ്പോള്‍ വൈറലാണ്.
/ "publive-image")
ഇതേത്തുടര്‍ന്ന് കഴിഞ്ഞദിവസം ചീഫ് സെക്രട്ടറി അന്വേഷണത്തിന് ഉത്തരവിട്ടു. ഈ ചിത്രം എവിടെ യാണ് എടുത്തതെന്നും വന്യജീവി സംരക്ഷണ നിയമത്തിലെ വകുപ്പ് 9 പ്രകാരം ഉള്ള കുറ്റമാണോ എന്നും റിപ്പോര്‍ട്ട് നല്‍കാന്‍ അദ്ദേഹം അധികാരിക ളോട് ആവശ്യപ്പെട്ടിരിക്കുകയാണ്...
വന്യജീവി സംരക്ഷണ നിയമത്തിലെ വകുപ്പ് 9 പ്രകാരം പാമ്പുകളെ കൈവശം വയ്ക്കുന്നത് ക്രിമിനല്‍ കുറ്റവും മൂന്നുവര്‍ഷം വരെ ജയില്‍ ശിക്ഷ കിട്ടാവുന്നതുമാണ്.
ഇതിനിടെ സംസ്ഥാനത്തെ പ്രതിപക്ഷ കക്ഷികള്‍ വിഷയം നന്നായി മുതലെടുക്കുകയാണ്.
" സംസ്ഥാനത്ത് നിയമവാഴ്ച എന്നൊന്നില്ല, ജനങ്ങള്‍ ഭീതിയിലാണ്.കുറ്റവാളികള്‍ നാട്ടില്‍ പരസ്യമായി വിലസുന്നു, ഈയവസ്ഥയില്‍ DGP കഴുത്തില്‍ പാമ്പിനെയും ചുറ്റി തമാശ കാണിക്കുന്നത് ജനത്തോടുള്ള വെളുവിളിയാണ്." .ജാര്‍ഖണ്ഡ് സംസ്ഥാന യൂത്ത് കോണ്ഗ്രസ് അദ്ധ്യക്ഷന്‍ കുമാര്‍ ഗൌരവ് പറഞ്ഞു.
Follow Us/sathyam/media/agency_attachments/5VspLzgrB7PML1PH6Ix6.png)
