ഇന്നലെ (16/02) ഗുജറാത്തിലെ പാട്ടന് ( Patan) ജില്ലാ കളക്ട്രേറ്റില് നടന്ന ദൃശ്യമാണിത്. വീടില്ലാത്ത ദളിത് കുടുംബങ്ങളെ സര്ക്കാര്വക പുറമ്പോക്ക് ഭൂമിയില് അധിവസിപ്പിക്കണമെന്ന ആവശ്യമുന്നയിച്ച് കഴിഞ്ഞ മൂന്നുവര്ഷമായി സമരം നടത്തിവന്ന പൊതുപ്രവര്ത്തകന് ഭാനുഭായി വണാക്കര് എന്ന വ്യക്തിയാണ് ആത്മാഹൂതി ചെയ്യാനായി സ്വയം അഗ്നി കൊളുത്തിയത്.
പാട്ടന് ജില്ലയിലെ 'ദുടുവാ' ഗ്രാമത്തിലുള്ള സര്ക്കാര് ഭൂമിയില് ഏതാനും ദളിത് കുടുംബങ്ങളെ ഒരാഴ്ചക്കകം പുനരധിവസിപ്പിക്കണം എന്നും ഈ ആവശ്യം നടന്നില്ലെങ്കില് എട്ടാം ദിവസം കളക്ട്രേറ്റിനുമുന്നില് ആത്മാഹൂതി ചെയ്യുമെന്നും ഭാനുഭായിയും കൂട്ടരും കളക്റ്റര്ക്ക് രേഖാമൂലം മുന്നറിയിപ്പ് നല്കിയിരുന്നു.
ഇതിനെത്തുടര്ന്ന് 8 മത്തെ ദിവസം കലക്ട്രേറ്റ് പരിസരത്ത് വന് പോലീസ് സന്നാഹവും ഫയര് ഫോര്സ് വാഹനങ്ങളും സജ്ജമായിരുന്നെങ്കിലും ഭാനുഭായിയും മറ്റൊരു വ്യക്തിയും അവരുടെ കണ്ണുവെട്ടിച്ച് ഉള്ളില്ക്കടക്കുകയും ശരീരത്തു മണ്ണെണ്ണയൊഴിച്ചു തീ കൊളുത്തുകയുമായിരുന്നു.
ഭാനുഭായ് 95% പൊള്ളലേറ്റ് മരണാസന്ന നിലയിലാണ്. കൂടെയുണ്ടായിരുന്ന രാമാഭായ് യെ നിസ്സാര പൊള്ളലുകളോടെ അഗ്നിശമനസേന രക്ഷപെടുത്തുകയായിരുന്നു.