സ്വർഗ്ഗത്തേക്കാൾ സുന്ദരം. കാശ്മീരില്‍ മഞ്ഞുപുതച്ചുതച്ചുകിടക്കുന്ന താഴ്വാരങ്ങളും മലനിരകളും

ജമ്മു കാശ്മീർ, ഹിമാചൽ പ്രദേശ്, ഉത്തരാഖണ്ഡ് തുടങ്ങിയ സംസ്ഥാനങ്ങളിൽ കഴിഞ്ഞ രണ്ടുദിവസമായി തുടരുന്ന മഞ്ഞുവീഴ്ചയെത്തുടർന്ന് പലസ്ഥലങ്ങളും മഞ്ഞുമൂടപ്പെടുകയും താപനില മൈനസിലെത്തുകയും ചെയ്തിരിക്കുന്നു.

ഉയരങ്ങളിലും ദൂരെനിന്നുമുള്ള ദൃശ്യങ്ങൾ സഞ്ചാരികളെ സംബന്ധിച്ചിടത്തോളം സ്വിറ്റ്സർലൻഡ് പോലെ വളരെ നയനമനോഹരമായി കാണപ്പെടുകയാണിപ്പോൾ. മഞ്ഞുപുതച്ചുതച്ചുകിടക്കുന്ന താഴ്വാരങ്ങളും മലനിരകളും ആരെയും ആകർഷിക്കാൻ പോകുന്നവയാണ്.

കാശ്മീരിലെ ജോജിലാ പാസ്, ദ്രാസ്, കാർഗിൽ, സോൻമാർഗ് ,പഹൽഗാം , ഗുൽമാർഗ് എന്നിവിടങ്ങളിൽ കഴിഞ്ഞ 24 മണിക്കൂർ നേരമായി മഞ്ഞുപെയ്യുകയാണ് . ഇതുമൂലം പ്രധാനപാതകൾ പലതും അടച്ചിടേണ്ടി വന്നിരിക്കുന്നു. ഹിമാചലിലെ ലാഹോൽ -സ്‌പീതി മേഖലകളിലും ഇതുതന്നെയാണവസ്ഥ. മണാലി, കേദാർനാഥ് ഒക്കെ മഞ്ഞുപാളികളാൽ മൂടപ്പെട്ടുകഴിഞ്ഞു. താഴ്ന്ന പ്രദേശങ്ങളിൽ മഴപെയ്യുന്നുമുണ്ട്.

നവംബർ ആദ്യവാരത്തിൽ ഇത്തരത്തിൽ മഞ്ഞുവീഴ്ചയുണ്ടാകുന്നതും തണുപ്പ് വർദ്ധിക്കുന്നതും വളരെ അപൂർവ്വമാണ്.