ഇന്നലെ രാത്രി 11.50 നായിരുന്നു തായ്വാനെ നടുക്കിയ ഭൂകമ്പം ഉണ്ടായത്. ഇതുവരെ ആറു പേര് മരിച്ചതായാണ് വിവരം. 300 ലധികം പേര് പരിക്കുകളോടെ ആശുപത്രിയിലാണ്.
ചില കെട്ടിടങ്ങള് ഭാഗികമായും മറ്റു ചിലത് പൂര്ണ്ണമായും തകര്ന്നു. അപകടകരമായ രീതിയില് ചരിഞ്ഞുപോയ ബഹുനിലക്കെട്ടിടത്തില് നിന്നും ആളുകളെ പൂര്ണ്ണമായും ഒഴിപ്പിച്ചതായി സര്ക്കാര് വൃത്തങ്ങള് അറിയിച്ചു.
തായ്വാന്റെ തുറമുഖനഗരമായ ഹുവാലിനിലാണ് നാശനഷ്ടങ്ങള് കൂടുതല് സംഭവിച്ചത്. 10 നിലയുള്ള മാര്ഷല് ഹോട്ടലാണ് ബേസ്മെന്റ് ഇളകി പൂര്ണ്ണമായും ചരിഞ്ഞുനില്ക്കുന്നത്.