New Update
തൃശൂര്: ചെറിയ വലിയൊരു മോഷണ വിവാദത്തിനുശേഷം സോഷ്യല് മീഡിയയില് നിന്നും തന്ത്രപരമായ അകലം പാലിച്ചിരുന്ന ദീപാ നിശാന്ത് വീണ്ടും സജീവമായി. ശബരിമലയിലെ യുവതീ പ്രവേശനത്തില് സര്ക്കാരിനെ തുണച്ച ദീപയുടെ ആദ്യ പോസ്റ്റ് തന്നെ എതിരാളികള് ട്രോളി.
യുവതികള് ദര്ശനം നടത്തിയതിന് ശുദ്ധികലശം നടത്തിയതിനെതിരെ ആയിരുന്നു ദീപാ നിശാന്തിന്റെ പോസ്റ്റ്.
"പെണ്ണുങ്ങള് കേറിയതിനാണ് നടയടപ്പും ശുദ്ധികലശവും ! കേറിയത് ദളിത് സ്ത്രീകളാകുമ്പോ കുറേക്കൂടി രോഷം കൂടും ! അയിത്തായില്യേ !! " എന്ന പോസ്റ്റിനുള്ള എതിരാളികളുടെ ട്രോളാണ് വൈറലായത്.
"പെണ്ണുങ്ങള് കവിത മോഷ്ടിച്ചതിനാണ് ട്രോളും കളിയാക്കലും ! കട്ടത് കമ്മി സ്ത്രീകളാകുമ്പോ കുറേക്കൂടി രോഷം കൂടും ! കള്ളത്തിയായില്യേ !!" എന്നായിരുന്നു അതേ രീതിയിലുള്ള മറുപടി.
എന്തായാലും കവിതാ മോഷണ കേസിലൂടെ മുഖം മൂടി തകര്ന്ന ദീപാ നിശാന്തിനെ ഇനി കപട ആദര്ശം വിളമ്പി സോഷ്യല് മീഡിയയില് വിരാചിക്കാന് അനുവദിക്കില്ലെന്ന വാശിയിലാണ് ദീപയുടെ വിമര്ശകര്.