വിഷുക്കണി

കണ്ണാ, കാർമുകിൽ വർണ്ണാ,

കനവുകൾ നിറയെ, കണ്ണുകൾ നിറയെ,

കണി കണ്ടുണരേണം നിൻ രൂപം, കണ്ണാ...

വിഷുസംക്രമ പുലരിയിൽ

ചേതോഹരമാം,

നിൻ പ്രിയ രൂപം, കണ്ണാ ...

പീലി തിരുമുടിയും, ഓടക്കുഴലുമേന്തി,

മന്ദഹാസ മധുരമാം നിൻ,

തിരുമുഖം കാണണം, കണ്ണാ...

കർണ്ണികാര പൂക്കൾക്കിടയിൽ തിളങ്ങിടും

മഞ്ജുളമാം നിൻ, കോമളരൂപം ,

കണി കണ്ടുണരേണം, കണ്ണാ...

കണിവെള്ളരിയും, കോടിമുണ്ടും,

അക്ഷത ഫല സമൃദ്ധമാം

ഓട്ടുരുളീ തൻ ചാരെ.

പൊൻവിളക്കിൻ ദീപ പ്രഭയിൽ തെളിയും,

വശ്യമാം നിൻ, സുന്ദര രൂപം,

കണി കണ്ടുരേണം, കണ്ണാ...