എടത്വ:വാല്യം എഡ്യൂക്കേഷൻ ട്രസ്റ്റ് എടത്വാ മേഖല കുടുംബ സമിതിയുടെ നേതൃത്യത്തിൽ കൊറോണ വ്യാപന പ്രതിരോധ പ്രവർത്തങ്ങൾക്കും മഴക്കാല പൂർവ്വ ശുചികരണ പ്രവർത്തനങ്ങളും ലക്ഷ്യമിട്ട് കർമ്മ സേന രൂപികരണവും കിറ്റ് വിതരണവും നടന്നു.
പ്രസിഡൻ്റ് എൻ.ജെ. സജീവ് അധ്യക്ഷത വഹിച്ചു.സൗഹൃദ വേദി ചെയർമാൻ ഡോ.ജോൺസൺ വി. ഇടിക്കുള കർമ്മ സേന രൂപികരണവും ശുചീകരണ കിറ്റ് വിതരണവും നിർവഹിച്ചു. എടത്വാ പഞ്ചായത്തിൽ വിവിധ ഭാഗങ്ങളിലെ പ്രവർത്തനങ്ങൾക്ക് 11 പേർ വീതം ഉള്ള 3 കർമ്മ സേന സമിതി രൂപികരിച്ചു.
വി.ഇ.ടി കോർഡിനേറ്റർ സാമുവേൽ കെ.പീറ്റർ,ദീപുരാജ്, സുനി വിനോയി, മണിയമ്മ സോമൻ, രേണുക മധു,ഷീജ സജീവ് ,രാധാ ശൈലൻ എന്നിവർ പ്രസംഗിച്ചു.