തിരുവനന്തപുരം: കൊറോണ വൈറസ് ബാധയുമായി ബന്ധപ്പെട്ട് സംസ്ഥാനത്ത് 80 പേര് നിരീക്ഷണത്തിലെന്ന് റിപ്പോര്ട്ട്. എന്ഡിടിവിയാണ് ഇക്കാര്യം റിപ്പോര്ട്ട് ചെയ്തിരിക്കുന്നത്. കഴിഞ്ഞ ഏതാനും ദിവസങ്ങള്ക്കുള്ളില് ചൈനയില്നിന്നും എത്തിയവരാണ് നിരീക്ഷണത്തിലുള്ളതെന്നാണ് ആരോഗ്യവകുപ്പ് അധികൃതരെ ഉദ്ധരിച്ച് എന്ഡിടിവി റിപ്പോര്ട്ട് ചെയ്തിരിക്കുന്നത്.
എണ്പതുപേരില് പനിയുടെ ലക്ഷണങ്ങളുള്ള ഏഴു പേരാണ് ആശുപത്രികളില് നിരീക്ഷണത്തിലുള്ളത്. മറ്റുള്ളവരെ വീടുകളില് തന്നെ നിരീക്ഷണത്തില് വച്ചിരിക്കുകയാണ്. വീടുകളില് നിരീക്ഷണത്തിലുള്ളവരോട് ചൈനയില്നിന്നും മടങ്ങിവന്ന ദിവസം മുതല് 28 ദിവസത്തേക്ക് ഇവിടെത്തന്നെ തന്നെ തുടരാനാണ് നിര്ദേശിച്ചിരിക്കുന്നത്.
നിലവില് ആശങ്കപ്പെടേണ്ട സാഹചര്യമില്ലെന്ന് ആരോഗ്യമന്ത്രി കെ.കെ ശൈലജ നേരത്തെ അറിയിച്ചിരുന്നു. ചൈനയില്നിന്നും എത്തുന്നവര് പരിശോധനയ്ക്ക് എത്തണമെന്ന് ആരോഗ്യവകുപ്പ് നിര്ദേശം നല്കിയിട്ടുണ്ട്.