New Update
ലക്നൗ: ബാബറി മസ്ജിദ് തകര്ത്തതു മുന്കൂട്ടി ആസൂത്രണം ചെയ്തതു പ്രകാരമല്ലെന്നും ഇക്കാര്യത്തില് ഗൂഢാലോചന നടന്നതായി തെളിവില്ലെന്നും ലക്നൗവിലെ പ്രത്യേക സിബിഐ കോടതി. ആള്ക്കൂട്ടത്തെ തടയാനാണ് നേതാക്കള് ശ്രമിച്ചതെന്ന് എല്കെ അഡ്വാനി ഉള്പ്പെടെയുള്ളവരെ വെറുതെ വിട്ടുകൊണ്ടുള്ള വിധിയില് പ്രത്യേക കോടതി ജ്ഡ്ജി എസ്കെ യാദവ് പറഞ്ഞു.
കേസില് ഗൂഢാലോചനക്കുറ്റം തെളിയിക്കാന് സിബിഐക്കു കഴിഞ്ഞിട്ടില്ലെന്ന് രണ്ടായിരം പേജുള്ള വിധിന്യായത്തില് കോടതി ചൂണ്ടിക്കാട്ടി. സിബിഐ ഹാജരാക്കിയ ദൃശ്യങ്ങള് തെളിവായി സ്വീകരിക്കാനാവില്ലെന്ന് എല്ലാ പ്രതികളെയും കുറ്റവിമുക്തരാക്കിക്കൊണ്ട് കോടതി വ്യക്തമാക്കി.
പതിനാറാം നൂറ്റാണ്ടില് നിര്മിക്കപ്പെട്ട ബാബറി മസ്ജിദ്, ദീര്ഘനാള് നീണ്ടുനിന്ന മത-രാഷ്ട്രീയ വിവാദങ്ങള്ക്കൊടുവില് തകര്ക്കപ്പെട്ട കേസില് 27 വര്ഷത്തിനു ശേഷമാണ് പ്രത്യേക കോടതി വിധി പറയുന്നത്. ബാബറി മസ്ജിദ് തകര്ത്തത് രാജ്യത്ത് ഒട്ടേറെ വര്ഗീയ കലാപത്തിനു വഴിവച്ചിരുന്നു.