കൊളംബോ: ശ്രീലങ്കന് ക്യാമ്പിലെ കൂടുതല് പേര്ക്ക് കോവിഡ് ബാധിച്ചതോടെ ഈ മാസം 13-ന് ആരംഭിക്കേണ്ട ഇന്ത്യയുടെ ശ്രീലങ്കന് പര്യടനം നീട്ടിവെയ്ക്കാന് സാധ്യത. ഈ മാസം 13ന് ആരംഭിക്കാനിരുന്ന പരമ്പര 17ലേക്ക് നീട്ടുമെന്നാണ് സൂചന. ബിസിസിഐ കൂടി അംഗീകരിച്ചാൽ പുതിയ തീയതികൾ പ്രഖ്യാപിക്കും.
ശ്രീലങ്കന് ക്രിക്കറ്റ് ടീമിന്റെ ബാറ്റിംഗ് പരിശീലകനായ ഗ്രാന്റ് ഫ്ലവറിന് കൊവിഡ് സ്ഥിരീകരിച്ചതിന് പിന്നാലെ ടീമിന്റെ ഡാറ്റാ അനലിസ്റ്റായ ജി ടി നിരോഷനും കൊവിഡ് സ്ഥിരീകരിച്ചിരുന്നു. ഇന്ത്യക്കെതിരായ ഏകദിന-ടി20 പരമ്പര തുടങ്ങാൻ നാല് ദിവസം മാത്രം ബാക്കിയിരിക്കെ ശ്രീലങ്കൻ ടീമിലെ സപ്പോർട്ട് സ്റ്റാഫിലുള്ള രണ്ട് പേർക്ക് കൊവിഡ് സ്ഥിരീകരിച്ചത് ഇന്ത്യൻ ടീമിനെയും ആശങ്കയിലാഴ്ത്തിയിരുന്നു.
ഈ സാഹചര്യത്തിലാണ് പരമ്പര നീട്ടിവെച്ചേക്കുമെന്ന സൂചനകള് വരുന്നത്. ഇതനുസരിച്ച് ഏകദിനങ്ങള് ജൂലായ് 17, 19, 21 തീയതികളിലേക്കും ട്വന്റി 20 പരമ്പര 24, 25, 27 തീയതികളിലേക്കും മാറ്റിയേക്കുമെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു.