കുവൈറ്റില്‍ 926 പേര്‍ക്ക് കൂടി കൊവിഡ്; പുതിയതായി സ്ഥിരീകരിച്ചത് ഒമ്പത് മരണം

കുവൈറ്റ് സിറ്റി: കുവൈറ്റില്‍ കൊവിഡ് ബാധിതരുടെ എണ്ണം 390,794 ആയി. വെള്ളിയാഴ്ച 926 പേര്‍ക്കാണ് രോഗം സ്ഥിരീകരിച്ചത്. പുതിയതായി ഒമ്പത് മരണം റിപ്പോര്‍ട്ട് ചെയ്തു. ഇതോടെ ആകെ മരണസംഖ്യ 2,273 ആയി ഉയര്‍ന്നു.

24 മണിക്കൂറിനിടെ 1,149 പേര്‍ കുവൈറ്റില്‍ കൊവിഡ് മുക്തരായി. ഇതുവരെ 373,507 പേരുടെ രോഗം ഭേദമായിട്ടുണ്ട്. ആകെ കൊവിഡ് ബാധിതരില്‍ 95.58 ശതമാനം പേരുടെയും രോഗം മാറി. 15,014 പേര്‍ നിലവില്‍ ചികിത്സയിലാണ്. 1,132 പേര്‍ കൊവിഡ് വാര്‍ഡുകളിലും, 322 പേര്‍ തീവ്രപരിചരണ വിഭാഗത്തിലും ചികിത്സയിലാണ്.

പുതിയതായി 12,249 പേര്‍ക്ക് കുവൈറ്റില്‍ കൊവിഡ് പരിശോധന നടത്തി. ഇതുവരെ ആകെ, 3,301,934 പരിശോധനകള്‍ നടത്തിയിട്ടുണ്ട്. 7.56 ശതമാനമാണ് ടെസ്റ്റ് പോസിറ്റിവിറ്റി നിരക്ക്.