കുവൈറ്റില്‍ 941 പേര്‍ക്ക് കൂടി കൊവിഡ്; പുതിയതായി സ്ഥിരീകരിച്ചത് അഞ്ച്‌ മരണം

കുവൈറ്റ് സിറ്റി: കുവൈറ്റില്‍ കൊവിഡ് ബാധിതരുടെ എണ്ണം 395,479 ആയി. ബുധനാഴ്ച 941 പേര്‍ക്കാണ് രോഗം സ്ഥിരീകരിച്ചത്. പുതിയതായി അഞ്ച്‌ മരണം റിപ്പോര്‍ട്ട് ചെയ്തു. ഇതോടെ ആകെ മരണസംഖ്യ 2,303 ആയി ഉയര്‍ന്നു.

24 മണിക്കൂറിനിടെ 1,365 പേര്‍ കുവൈറ്റില്‍ കൊവിഡ് മുക്തരായി. ഇതുവരെ 380,175 പേരുടെ രോഗം ഭേദമായിട്ടുണ്ട്. ആകെ കൊവിഡ് ബാധിതരില്‍ 96.13 ശതമാനം പേരുടെയും രോഗം മാറി. 13,001 പേര്‍ നിലവില്‍ ചികിത്സയിലാണ്. 998 പേര്‍ കൊവിഡ് വാര്‍ഡുകളിലും, 310 പേര്‍ തീവ്രപരിചരണ വിഭാഗത്തിലും ചികിത്സയിലാണ്.

പുതിയതായി 12,537 പേര്‍ക്ക് കുവൈറ്റില്‍ കൊവിഡ് പരിശോധന നടത്തി. ഇതുവരെ ആകെ, 3,365,452 പരിശോധനകള്‍ നടത്തിയിട്ടുണ്ട്. 7.51 ശതമാനമാണ് ടെസ്റ്റ് പോസിറ്റിവിറ്റി നിരക്ക്.