നാസിക്കില്‍ കൊവിഡ് ബാധിച്ച് ഒരു മലയാളി കൂടി മരിച്ചു; മാതാപിതാക്കള്‍ കൊവിഡ് ബാധിച്ച് ആശുപത്രിയിലും സഹോദരി ഹോം ക്വാറന്റൈനിലും

മുംബൈ:  നാസിക്കിൽ കൊവിഡ് ബാധിച്ച് ഒരു മലയാളി കൂടി മരിച്ചു. ആലപ്പുഴ ചെങ്ങന്നൂർ സ്വദേശി ജയകുമാർ വിജയൻ പുല്ലേക്കാട്ടിൽ (35) ആണ് മരിച്ചത്. സത്പൂരിലെ ശ്രമിക് നഗർ ശ്രീകൃഷ്ണ അപാർട്ട്മെന്റിലായിരുന്നു താമസം. അവിവാഹിതനാണ്.

ഇദ്ദേഹത്തിന്റെ മാതാപിതാക്കൾ രോഗബാധിതരായി ആശുപത്രിയിലും സഹോദരി ഹോം ക്വറന്‍റീനിലുമാണ്. ജൂലൈ 15 മുതൽ ശതാബ്ദി ആശുപത്രിയിൽ ചികിത്സയിലായിരുന്നു ജയകുമാർ. ഇന്ന് വെളുപ്പിന് രണ്ട് മണിയോടെയാണ് മരണം സംഭവിച്ചത്.