ചെന്നൈ: തമിഴ്നാട്ടില് കൊവിഡ് ബാധിതരുടെ എണ്ണം 373410 ആയി. ശനിയാഴ്ച 5980 പേര്ക്കാണ് സംസ്ഥാനത്ത് കൊവിഡ് സ്ഥിരീകരിച്ചത്. 80 മരണവും റിപ്പോര്ട്ട് ചെയ്തു. ഇതോടെ ആകെ മരണസംഖ്യ 6420 ആയി ഉയര്ന്നു.
പുതിയതായി 5603 പേര് തമിഴ്നാട്ടില് കൊവിഡ് മുക്തരായി. ഇതുവരെ 313280 പേരുടെ രോഗം ഭേദമായിട്ടുണ്ട്. 53710 പേര് നിലവില് ചികിത്സയിലാണ്. ചെന്നൈയില് മാത്രം പുതിയതായി 1314 കൊവിഡ് പോസിറ്റീവ് കേസുകളും ഏഴ് മരണവും റിപ്പോര്ട്ട് ചെയ്തു. ഇതോടെ ചെന്നൈയിലെ രോഗബാധിതരുടെ എണ്ണം 124071 ആയും മരണസംഖ്യ 2561 ആയും വര്ധിച്ചു.