മനാമ: എഫ് വണ് സൂപ്പര് ഡ്രൈവറായ ബ്രിട്ടന്റെ ലൂയിസ് ഹാമില്ട്ടണിനു കോവിഡ്. മെഴ്സിഡസിന്റെ താരമായ ഹാമില്ട്ടണ്, ബഹ്റിന് ഗ്രാന്പ്രീ പോരാട്ടത്തിനുശേഷം നടത്തിയ പരിശോധനയിലാണ് കോവിഡ് സ്ഥിരീകരിച്ചത്.
ബഹ്റിനില് താരം ഐസൊലേഷനിലാണ്. ഇതോടെ ഞായറാഴ്ച നടക്കുന്ന സാക്കിര് ഗ്രാന്പ്രീയില് ഹാമില്ട്ടണ് ഉണ്ടാകില്ല. ഇതിനോടകം ഈ സീസണ് ചാന്പ്യന്ഷിപ്പ് ഹാമില്ട്ടണ് സ്വന്തമാക്കിയിരുന്നു.
ഹാമില്ട്ടണ് പകരം സാക്കിര് ഗ്രാന്പ്രീയില് സ്റ്റോഫെല് വാന്ഡോര്നെ മത്സരിക്കുമെന്ന് മെഴ്സിഡസ് വ്യക്തമാക്കി. എഫ്വണ്ണില് കോവിഡ് സ്ഥിരീകരിക്കുന്ന മൂന്നാമത്തെ താരമാണ് ഹാമില്ട്ടണ്. സെര്ജിയോ പെരസ്, ലാന്സ് സ്ട്രോള് എന്നിവര്ക്ക് നേത്തേ രോഗം സ്ഥിരീകരിച്ചിരുന്നു.