ഗുവാഹട്ടി: ആരോഗ്യനില മോശമായതിനെത്തുടര്ന്ന് കൊവിഡ് ബാധിച്ച് ചികിത്സയില് കഴിഞ്ഞിരുന്ന അസം മുന് മുഖ്യമന്ത്രി തരുണ് ഗൊഗോയിയെ തീവ്രപരിചരണ വിഭാഗത്തില് പ്രവേശിപ്പിച്ചു. രക്തത്തിലെ ഓക്സിജന്റെ അളവ് കുറഞ്ഞതിനെ തുടര്ന്നാണ് അദ്ദേഹത്തെ ഐ.സി.യുവിലേക്ക് മാറ്റിയത്.
കഴിഞ്ഞമാസം 26 നാണ് എണ്പത്തഞ്ചുകാരനായ തരുണ് ഗൊഗോയിക്ക് വൈറസ്ബാധ സ്ഥിരീകരിച്ചത്.അന്ന് തന്നെ സര്ക്കാര് ആശുപത്രിയില് പ്രവേശിപ്പിച്ചു.
സെപ്റ്റംബര് 16 ന് കൊവിഡ് നെഗറ്റീവായെങ്കിലും, രോഗബാധമൂലമുണ്ടായ ശാരീരിക അസ്വസ്ഥതകള് അലട്ടിയതിനാല് ആശുപത്രിയില് തന്നെ തുടരുകയായിരുന്നു.