ന്യൂഡല്ഹി: കേന്ദ്ര പൊലീസ് സേന ഉദ്യോഗസ്ഥന് കോവിഡ് സ്ഥിരീകരിച്ചു. ഡയറക്ടര് ജനറല് അടക്കം ഇദ്ദേഹവുമായി ബന്ധപ്പെട്ട മുഴുവന് ആളുകളും സമൂഹസമ്പര്ക്കം ഒഴിവാക്കി നിരീക്ഷണത്തിലേക്ക് മാറിയിട്ടുണ്ടെന്ന് സി.ആര്.പി.എഫ് വാര്ത്ത കുറിപ്പില് അറിയിച്ചു.
ഡയറക്ടര് ജനറലുമായി കോവിഡ് സ്ഥിരീകരിച്ച ഉദ്യോഗസ്ഥന് നേരിട്ട് ബന്ധപ്പെട്ടിട്ടില്ല. പരോക്ഷ ബന്ധത്തിന്റെ അടിസ്ഥാനത്തിലാണ് നടപടിക്രമങ്ങളുടെ ഭാഗമായി സമൂഹ സമ്പര്ക്കം ഒഴിവാക്കിയത്.
രാജ്യത്ത് കോവിഡ് ബാധിച്ച് 104 ആളുകളാണ് ഇതുവരെ മരിച്ചത്. 3,588 പേര്ക്കാണ് ഇതുവരെ രോഗം സ്ഥിരീകരിച്ചത്.