Advertisment

ബ്രിട്ടനിൽ കോവിഡ് ബാധിച്ച് രണ്ട് മലയാളികൾ മരിച്ചു: മരിച്ചത് പെരിന്തൽമണ്ണ സ്വദേശിയായ മലയാളി ഡോക്ടർ ഹംസ പാച്ചേരിയും സിസ്റ്റേഴ്സ് ഓഫ് ചാരിറ്റിയിലെ സിസ്റ്റർ സിയന്നയും

New Update

ലണ്ടന്‍ : ബ്രിട്ടനിൽ രണ്ട് മലയാളികള്‍ കൂടി കോവിഡ് ബാധിച്ച്‌ മരിച്ചു. ലണ്ടനില്‍ ഒരു ഡോക്ടറും കന്യാസ്ത്രീയുമാണ് മരിച്ചത്. പെരിന്തല്‍മണ്ണ സ്വദേശി ഡോ. ഹംസ പച്ചീരിയാണ് ബര്‍മിങ്ഹാമില്‍ വെച്ച്‌ കോവിഡ് ബാധിച്ച്‌ മരിച്ചത്.

Advertisment

publive-image

സിസ്റ്റര്‍ സിയന്നയാണ് കൊറോണ ബാധിച്ച്‌ മരിച്ച മറ്റൊരാള്‍. സിസ്‌റ്റേഴ്‌സ് ഓഫ് ചാരിറ്റിയിലെ അംഗമായിരുന്നു. സ്വാന്‍സീയില്‍ വെച്ചായിരുന്നു സിസ്റ്റര്‍ സിയന്നയുടെ അന്ത്യം.

ഇന്നലെ രാവിലെ ബർമിംങ്ങാം എൻഎച്ച്എസ് ആശുപത്രിയിൽവച്ചാണ് ഹംസ മരിച്ചത്. ഭാര്യയും രണ്ട് മക്കളുമുണ്ട്. സംസ്കാരം യുകെയിൽതന്നെ നടത്തും. ഡോക്ടറുടെ ഭാര്യയും കോവിഡ് ബാധിച്ച് ചികിത്സയിലാണ്. സ്വാൻസീയിൽ വച്ചാണ് സിസ്റ്റർ സിയന്നയുടെ മരണം.

ഇന്നലെയും രണ്ട് മലയാളികള്‍ കോവിഡ് ബാധിച്ച്‌ മരിച്ചിരുന്നു. ഒരാള്‍ മുംബൈയിലും മറ്റൊരാള്‍ ദുബായിലുമാണ് കൊറോണ ബാധിച്ച്‌ മരിച്ചത്.

തൃശൂര്‍ കയ്പമംഗലം സ്വദേശി പരീത് ആണ് ദുബായില്‍ കൊറോണ ബാധിച്ച്‌ മരിച്ചത്. 69 വയസ്സായിരുന്നു. തലശ്ശേരി സ്വദേശി അശോകന്‍ (60) ആണ് മുംബൈയില്‍ മരിച്ചത്. മുംബൈ സാക്കിനാക്കയില്‍ വെച്ചാണ് അശോകന്‍ മരിക്കുന്നത്.

Advertisment