കൊല്ലം സ്വദേശി റിയാദില്‍ കോവിഡ് ബാധിച്ച് മരണപെട്ടു.

റിയാദ്- കോവിഡ് ബാധിച്ച് കൊല്ലം സ്വദേശി റിയാദില്‍ മരിച്ചു. കൊല്ലം അഞ്ചല്‍ ഏരൂര്‍ പത്തടി സ്വദേശി കൊടിവിള പുത്തന്‍വീട്ടില്‍ ഷരീഫ് (52) ആണ് മരണപെട്ടത്‌.അല്‍ഈമാന്‍ ആശുപത്രിയില്‍ ചികിത്സയിലിരിക്കെയാണ്  ബുധനാഴ്ച മരിച്ചത്. രണ്ടാഴ്ച മുമ്പാണ്  ആശുപത്രിയില്‍ പ്രവേശിപ്പിച്ചത്.

ദീര്‍ഘകാലം റിയാദില്‍ പ്രവാസിയായിരുന്ന  ഷരീഫ്   പുതിയ വിസയില്‍ തിരിച്ചുവന്ന് റിയാദില്‍ ലോന്‍ഡ്രി നടത്തുകയായിരുന്നു. അടുത്തിടെ ലോന്‍ഡ്രി നിര്‍ത്തി ഫൈനല്‍ എക്‌സിറ്റില്‍ നാട്ടില്‍ പോകാന്‍ കാത്തിരിക്കുമ്പോഴാണ് കോവിഡ് ബാധിച്ചതും മരണത്തിന് കീഴടങ്ങിയതും.

പിതാവ്: മുഹമ്മദ് ഹനീഫ. മാതാവ്: ഫാത്വിമ ബീവി. ഭാര്യ: നജ്മുന്നിസ. എട്ട് മക്കളുണ്ട്.

അല്‍ഈമാന്‍ ആശുപത്രി മോര്‍ച്ചറിയിലുള്ള മൃതദേഹം  ഖബറടക്കുന്നതിന് റിയാദ് കെ.എം.സി.സി സെന്‍ട്രല്‍ കമ്മിറ്റി വെല്‍ഫയര്‍ വിംഗ് ചെയര്‍മാന്‍ സിദ്ദീഖ് തുവ്വൂര്‍ രംഗത്തുണ്ട്.