മരങ്ങാട്ടുപിള്ളി ഗ്രാമപഞ്ചായത്ത് മുൻ അംഗവും കോൺഗ്രസ് ബ്ലോക്ക് സെക്രട്ടറിയുമായിരുന്ന അനിൽ കെ കൃഷ്ണൻ കോവിഡ് ബാധിച്ചു മരിച്ചു

മരങ്ങാട്ടുപിള്ളി : മരങ്ങാട്ടുപിള്ളി ഗ്രാമപഞ്ചായത്ത് മുൻ അംഗവും കോൺഗ്രസ് ബ്ലോക്ക് സെക്രട്ടറിയുമായിരുന്ന മണ്ണയ്ക്കനാട് കരിംപ്ലാക്കീൽ അനിൽ കെ കൃഷ്ണൻ (52) കോവിഡ് ബാധിച്ചു മരിച്ചു.

ഫസ്റ്റ് ലൈൻ സെക്കന്റ് ലൈൻ കോവിഡ് ട്രീറ്റ്‌മെന്റ് സെന്ററുകളിൽ ചികിത്സയിലിരിക്കെ സ്ഥിതി വഷളായി എറണാകുളത്തെ സ്വകാര്യ ആശുപത്രിയിൽ (അമൃത) തീവ്രപരിചരണ വിഭാഗത്തിൽ ചികിത്സയിലായിരുന്നു.

ശനിയാഴ്ച രാത്രി മരണപ്പെട്ടു. 2010-15 കാലഘട്ടത്തിൽ മരങ്ങാട്ടുപിള്ളി പഞ്ചായത്ത് പത്താം വാർഡ് അംഗമായിരുന്നു.ഭാര്യ: ജ്യോതി (തൊടുപുഴ മുട്ടം, കുന്നേൽ കുടുംബാംഗം) മക്കൾ: അരവിന്ദ്, അഭിഷേക്, അർജുൻ മരുമകൾ: നിമിഷ അരവിന്ദ്

സംസ്കാരം കോവിഡ് മാനദണ്ഡങ്ങൾ പ്രകാരം പാലാ മുനിസിപ്പൽ ശ്മശാനത്തിൽ നടത്തി. മരങ്ങാട്ടുപിള്ളി മണ്ഡലം കോൺഗ്രസ് കമ്മിറ്റിക്കുവേണ്ടി പ്രസിഡന്റ് കെ.എസ് അജികുമാർ അനുശോചനം രേഖപ്പെടുത്തി