ജിദ്ദ: ആറ് വർഷങ്ങൾക്ക് മുമ്പ് പ്രവാസം മതിയാക്കി നാട്ടിലേയ്ക്ക് മടങ്ങിയ മലപ്പുറം സ്വദേശി കോവിഡ് ബാധിച്ചു മരണപ്പെട്ടു. മലപ്പുറം, ചട്ടിപ്പറമ്പ്, ചാഞ്ഞാൽ കിളിയമണ്ണിൽ ഷഫീഖ് ആണ് കോവിഡ് ചികിത്സയിലായിരിക്കേ മരിച്ചത്. കോവിഡ് പരിശോധനാ ഫലം നെഗറ്റീവ് ആയിരുന്നെങ്കിലും ന്യുമോണിയ ഭേദമായിരുന്നില്ല.
ജിദ്ദ ഇന്റർനാഷണൽ ഇന്ത്യൻ സ്കൂളിലെ ട്രാൻസ്പോർട്ടേഷൻ വിഭാഗത്തിൽ ജീവനക്കാരനായിരുന്നു. ദീർഘകാലം ഡ്രൈവർ ആയിരുന്ന ഷഫീഖ് പിരിയുമ്പോൾ ട്രാൻസ്പോർട്ട് സെക്ഷൻ ഇൻചാർജ് പദവിയിലായിരുന്നു.
ചട്ടിപ്പറമ്പ് ചാഞ്ഞാൽ പരേതനായ കിളിയമണ്ണിൽ അബ്ദുറസാക്ക് - ചക്കിങ്ങത്തൊടി മറിയുമ്മ ദമ്പതികളുടെ മകനാണ്. ഭാര്യ: സക്കീന പാങ്ങ്. മക്കൾ: സഫ്വാൻ, റിസ്വാൻ. മരുമകൾ: ഷെറിൻ. സഹോദരങ്ങൾ: നൗഷാദ്, സലീന ,നൗഫൽ.