ന്യൂഡല്ഹി: കോവിഡ്-19യുടെ പശ്ചാത്തലത്തില് രാജ്യത്ത് പ്രഖ്യാപിച്ചിരിക്കുന്ന ലോക്ക്ഡൗണ് നീട്ടില്ലെന്ന് ആഭ്യന്തരമന്ത്രാലയം. അത്തരം റിപ്പോര്ട്ടുകള് ആശ്ചര്യത്തോടെ കാണുന്നതായും കാബിനെറ്റ് സെക്രട്ടറി രാജീവ് ഗൗബ അറിയിച്ചു.
രാജ്യത്ത് കോവിഡ്-19 വ്യാപിച്ച പശ്ചാത്തലത്തിലാണ് പ്രധാനമന്ത്രി നരേന്ദ്ര മോദി ലോക്ക്ഡൗണ് പ്രഖ്യാപിച്ചത്. കോവിഡ്-19 വ്യാപനം തടയുക എന്ന ലക്ഷ്യത്തോടെയാണ് ലോക്ക്ഡൗണ് പ്രഖ്യാപിച്ചത്. മാര്ച്ച് 24 മുതല് 21 ദിവസത്തേയ്ക്കാണ് ലോക്ക്ഡൗണ്.
സാമൂഹ്യ അകലം പാലിക്കല് മാത്രമാണ് രോഗവ്യാപനം തടയുന്നതിനുള്ള മാര്ഗം. എല്ലാവരും വീടുകളില് തന്നെ ഇരിക്കണം. ചിലരുടെ അനാസ്ഥ രാജ്യത്തെ തന്നെ അപകടത്തിലാക്കുന്നു. നടപടികള് എല്ലാമെടുത്തിട്ടും രോഗം പടരുന്നുവെന്നും മോദി പറഞ്ഞു.