മുംബൈ: കോവിഡ് ബാധിച്ച് ചികിത്സയിലായിരുന്ന മഹാരാഷ്ട്ര പൊതുമരാമത്ത് മന്ത്രിയും മുന്മുഖ്യമന്ത്രിയുമായ അശോക് ചവാന് രോഗമുക്തനായി. വ്യാഴാഴ്ച ഉച്ചയോടെ അദ്ദേഹം മുംബൈയിലെ സ്വകാര്യ ആശുപത്രി വിട്ടു. മേയ് 25നാണ് അശോക് ചവാന് കോവിഡ് ബാധ സ്ഥിരീകരിച്ചത്.
മന്ത്രിയുടെ വസതിയിലെ ജീവനക്കാരന് കോവിഡ് സ്ഥിരീകരിച്ചതിനെ തുടര്ന്നാണ് പരിശോധന നടത്തിയത്. ആദ്യ പരിശോധനയില്തന്നെ ചവാന് കോവിഡ് സ്ഥിരീകരിക്കുകയായിരുന്നു. ഇതേത്തുടര്ന്നു മന്ത്രിയുടെ കുടുബത്തെയും ക്വാറന്റൈനില് പ്രവേശിപ്പിച്ചിരുന്നു. നേരത്തെ, ഭവനവകുപ്പ് മന്ത്രി ജിതേന്ദ്ര ആവാഡിനും രോഗം സ്ഥിരീകരിച്ചിരുന്നു. ദിവസങ്ങള്ക്ക് ശേഷം അദ്ദേഹവും രോഗമുക്തി നേടി.