ബെംഗളൂരു : കൊവിഡ് വ്യാപനം രൂക്ഷമായ കർണാടകത്തിലെ രണ്ട് ജില്ലകളില് വീണ്ടും ഒരാഴ്ചത്തേക്ക് സമ്പൂർണ ലോക്ഡൗൺ. ബെംഗളൂരു അർബന്, റൂറല് ജില്ലകളാണ് പൂർണ്ണമായും അടച്ചിടുന്നത്.
ഇന്നലെ മാത്രം 87 പേരാണ് സംസ്ഥാനത്ത് രോഗം ബാധിച്ചു മരിച്ചത്. നിലവില് രാജ്യത്ത് ചികിത്സയിലുള്ളവരുടെ എണ്ണത്തില് മൂന്നാം സ്ഥാനത്താണ് കർണാടക. രോഗവ്യാപനം രൂക്ഷമായ മറ്റു ജില്ലകളിലും ലോക് ഡൗൺ നടപ്പാക്കാനൊരുങ്ങുകയാണ് സർക്കാർ.
രാജ്യത്തെ മറ്റു മഹാ നഗരങ്ങളില്നിന്നു വ്യത്യസ്തമായി ആദ്യഘട്ടത്തില് കൊവിഡിനെ പ്രതിരോധിച്ച് പിടിച്ചുനിന്ന ബെംഗളൂരുവിലും കഴിഞ്ഞ കുറച്ചു ദിവസമായി സ്ഥിതി രൂക്ഷമാവുകയാണ്. ബെംഗളൂരു അർബന് റൂറല് ജില്ലകളില് ഇന്നലെ രാത്രി എട്ടുമണിമുതല് വീണ്ടും ലോക് ഡൗൺ നിലവില് വന്നു. ജൂലൈ 22 ന് പുലർച്ചെ വരെയാണ് ലോക് ഡൗൺ. അവശ്യ സേനവങ്ങളും ആശുപത്രികളും മെഡിക്കല് ഷോപ്പുകളും മാത്രമേ പ്രവർത്തിക്കുകയുള്ളൂ.