സി ദിവാകരനെ തോല്‍പിക്കാന്‍ ശ്രമിച്ചു; സി.പി.ഐയ്‌ക്കെതിരെ രൂക്ഷവിമര്‍ശനവുമായി സിപിഐഎം

തിരുവനന്തപുരം: സി.പി.ഐ.എം തിരുവനന്തപുരം ജില്ലാ സമ്മേളനത്തില്‍ സി.പി.ഐയ്‌ക്കെതിരെ രൂക്ഷവിമര്‍ശനം. നിയമസഭാ തിരഞ്ഞെടുപ്പ് സമയത്ത് നെടുമങ്ങാട് മണ്ഡലത്തിലെ സ്ഥാനാര്‍ത്ഥിയായിരുന്ന സി.ദിവാകരനെ തോല്‍പിക്കാന്‍ സി.പി.ഐ ജില്ലാ സെക്രട്ടറി ജി.ആര്‍.അനില്‍ അടക്കമുള്ളവര്‍ ശ്രമിച്ചുവെന്നാണ് നെടുമങ്ങാട് ഏരിയാ കമ്മിറ്റിയില്‍ നിന്നുള്ള സി.പി.ഐ.എം പ്രതിനിധികള്‍ ആരോപണം ഉന്നയിച്ചത്.

ദിവാകരനെതിരെ പ്രചരണം നടത്തുന്നതിന് വേണ്ടി സി.പി.ഐയുടെ ജില്ലാ നേതാക്കള്‍ യോഗം ചേര്‍ന്നു. സി.പി.ഐയുടെ ഈ നീക്കം മനസിലാക്കിയ ദിവാകരന്‍ സി.പി.ഐഎമ്മിന്റെ സഹായവും പിന്തുണയും തേടിയെന്നും പ്രതിനിധികള്‍ പറഞ്ഞു.