മുംബൈ : ബോളിവുഡ് താരങ്ങളായ ദീപിക പദുകോണ്- രണ്വീര് സിങ് താരവിവാഹത്തിന് ദിവസങ്ങള് മാത്രം ശേഷിക്കെ വിവാഹ അനുബന്ധ വിശേഷങ്ങള്ക്കും ക്ഷാമമില്ല.
കഴിഞ്ഞ ദിവസം താലിമാല വാങ്ങാനായി മുംബൈയിലെ ഒരു ജ്വല്ലറിയില് എത്തിയ ദീപിക 20 ലക്ഷം രൂപയുടെ താലിമാലയാണ് വാങ്ങിയതെന്ന് പറയുന്നു.
ഏതാണ്ട് ഒരു കോടി രൂപയോളം വിലയുള്ള ആഭരണങ്ങളാണ് വിവാഹത്തിനായി ദീപിക വാങ്ങിയതത്രേ. വരന് രണ്വീര് സിങ്ങിനായി 200 ഗ്രാമിന്റെ ഒരു സ്വര്ണ്ണ മാലയും ദീപിക ഒരുക്കി വെച്ചിട്ടുണ്ട്.
വിവാഹ മുന്നൊരുക്കങ്ങളുടെ ഭാഗമായി, കഴിഞ്ഞ ദിവസം ദീപികയുടെ ബാംഗ്ലൂരിലെ വീട്ടില് നന്തി പൂജ നടന്നിരുന്നു. രണ്വീറിന്റെ ഹല്ദി ആഘോഷങ്ങളുടെ ചിത്രങ്ങളും സോഷ്യല് മീഡിയയില് ആഘോഷമാക്കിയിരിക്കുകയാണ്. ബാല്ക്കണിയില് സുഹൃത്തുക്കള്ക്കൊപ്പം വെള്ളവസ്ത്രമണിഞ്ഞ് നില്ക്കുന്ന രണ്വീറിനെയാണ് ചിത്രങ്ങളില് കാണുന്നത്.
നവംബര് 14, 15 ദിവസങ്ങളിലാണ് ദീപ് വീര് വിവാഹം നടക്കുക. സിന്ധി-കൊങ്കിണി ആചാരങ്ങള് പ്രകാരമുള്ള വിവാഹച്ചടങ്ങ് 14നാണ്. പരമ്പരാഗതമായ രീതിയിലുള്ള ആചാരങ്ങള്ക്കു ശേഷം അന്നുതന്നെ ദീപികയും രണ്വീറും ഇറ്റലിയിലേക്ക് പോകും.
ഇറ്റലിയിലെ ലേക്ക് കോമോയിലെ വില്ല ഡെല് ബാല്ബിയാനെല്ലോയില് നവംബര് 15ന് ഔദ്യോഗിക വിവാഹ ചടങ്ങുകള് നടക്കും. ബാംഗ്ലൂരിലും മുംബൈയിലുമായി പ്രൗഢഗംഭീരമായ രണ്ടു റിസപ്ഷനുകളും ഉണ്ടായിരിക്കും.