ന്യൂഡല്ഹി: രാജ്യതലസ്ഥാനത്ത് ആക്രമസംഭവങ്ങള് നിര്ബാധം തുടരവെ മഹാത്മാഗാന്ധിയുടെ സമാധിസ്ഥലമായ രാജ്ഘട്ടില് പ്രാര്ഥനയുമായി ഡല്ഹി മുഖ്യമന്ത്രി അരവിന്ദ് കേജരിവാളും ഉപമുഖ്യമന്ത്രി മനീഷ് സിസോദിയയും.
ഡല്ഹിയില് കഴിഞ്ഞ രണ്ടുദിവസമായി നടക്കുന്ന സംഘര്ഷങ്ങളില് രാജ്യത്തിനു മുഴുവനും ആശങ്കയുണ്ടെന്ന് കേജരിവാള് പ്രതികരിച്ചു. ജീവനും സ്വത്തും നഷ്ടപ്പെട്ടിട്ടുണ്ട്. സംഘര്ഷം വ്യാപിക്കുകയാണെങ്കില് അത് എല്ലാവരെയും ബാധിക്കും.
അഹിംസയുടെ അനുയായി ആയിരുന്ന ഗാന്ധിജിയോടു പ്രാര്ഥിക്കാനാണ് തങ്ങള് രാജ്ഘട്ടില് എത്തിയതെന്നും അദ്ദേഹം കൂട്ടിച്ചേര്ത്തു.അക്രമങ്ങളില് പരിക്കേറ്റ് ആശുപത്രികളില് കഴിയുന്നവരെ കേജരിവാളും സിസോദിയയും സംഘവും സന്ദര്ശിക്കുകയും ചെയ്തു.