ന്യൂഡല്ഹി: ഡല്ഹി സംഘര്ഷത്തില് രണ്ടു പേര് കൂടി മരിച്ചതായി റിപ്പോര്ട്ട്. പോലീസ് വെടിവയ്പില് തദ്ദേശവാസികളായ രണ്ടുപേര് കൂടി മരിച്ചതായാണ് പുറത്തുവരുന്ന വിവരങ്ങള്. ചാന്ദ്ബാഗ്, ഭജന്പുര, മൗജ്പുര്, ജാഫറാബാദ് തുടങ്ങിയ ഇടങ്ങളിലാണ് സംഘര്ഷം വ്യാപിച്ചിരിക്കുന്നത്.
പ്രതിഷേധക്കാര് നിരവധി വാഹനങ്ങള് അഗ്നിക്കിരയാക്കുകയും വീടുകള്ക്കു നേരെ കല്ലേറു നടത്തുകയും ചെയ്തു. സംഘര്ഷത്തിന് പിന്നാലെ വടക്കുകിഴക്കന് ഡല്ഹിയില് എട്ട് കമ്ബനി സിആര്പിഎഫിനെ വിന്യസിച്ചിട്ടുണ്ട്. ഒരു കമ്ബനി വനിതാ ദ്രുതകര്മ സേനയെയും വിന്യസിച്ചു.
നേരത്തേ, കല്ലേറില് പരിക്കേറ്റ പോലീസുകാരന് മരിച്ചിരുന്നു. ഹെഡ് കോണ്സ്റ്റബിളായ രത്തന്ലാലാണ് മരിച്ചത്. മറ്റൊരു പോലീസുകാരന് പരിക്കേല്ക്കുകയും ചെയ്തു. ഇതിനിടെ, വടക്ക്കിഴക്കന് ഡല്ഹിയിലെ പത്തിടങ്ങളില് നിരോധനാജ്ഞ പ്രഖ്യാപിക്കുകയും ചെയ്തിട്ടുണ്ട്.