ന്യൂഡല്ഹി: കാര്ഷിക നിയമങ്ങള്ക്കെതിരെ പ്രതിഷേധവുമായി രാജ്യതലസ്ഥാനത്തേക്ക് നീങ്ങുന്ന കര്ഷകര്ക്ക് ഡല്ഹിയില് പ്രവേശിക്കാന് പൊലീസിന്റെ അനുമതി.
സമാധാനപൂര്ണമായി പ്രതിഷേധം നടത്തണമെന്നും മറ്റുള്ളവര്ക്ക് ഒരുതരത്തിലുമുള്ള ബുദ്ധിമുട്ട് ഉണ്ടാക്കരുതെന്നും കര്ഷകരോട് അഭ്യര്ഥിക്കുന്നതായും ഡല്ഹി പൊലീസ് പി.ആര്.ഒ. ഈഷ് സിംഗാള് വാര്ത്ത ഏജന്സിയായ എ.എന്.ഐയോടു പ്രതികരിച്ചു.
കര്ഷകര്ക്ക് ബുറാഡിയിലെ നിരങ്കാരി സമാഗമം ഗ്രൗണ്ടില് പ്രതിഷേധിക്കാനും ഡല്ഹി പോലീസ് അനുമതി നല്കിയിട്ടുണ്ട്. കര്ഷക നേതാക്കളുമായി നടത്തിയ ചര്ച്ചയ്ക്കു പിന്നാലെയാണ് ഡല്ഹി പൊലീസിന്റെ നടപടി.