ന്യൂഡല്ഹി: രാജ്യതലസ്ഥാനത്ത് നടത്തിയ വിദ്വേഷ പ്രസംഗങ്ങളിന്മേല് കേസെടുക്കാന് നിര്ദേശിച്ച് ഡല്ഹി ഹൈക്കോടതി. കപില് മിശ്ര നടത്തിയ വിദ്വേഷ പ്രസംഗത്തില് കേസെടുക്കണമെന്നായിരുന്നു കോടതി ആദ്യം നിര്ദേശിച്ചത്. ഇതിനു പിന്നാലെയാണ് മറ്റ് പ്രസംഗങ്ങളിലും കേസെടുക്കണമെന്ന് കോടതി കൂട്ടിച്ചേര്ത്തത്.
കപില് മിശ്രയ്ക്കു പുറമേ അനുരാഗ് താക്കൂര്, പര്വേഷ് വര്മ, അഭയ് വര്മ തുടങ്ങിയവര്ക്കെതിരെയും കേസെടുക്കണമെന്ന് കോടതി നിര്ദേശിച്ചിട്ടുണ്ട്.
വിദ്വേഷ പ്രസംഗങ്ങള് സംബന്ധിച്ച് വിശദമായ അന്വേഷണം നടത്തി വിവരം ധരിപ്പിക്കണമെന്നും ഡല്ഹി ഹൈക്കോടതി നിര്ദേശിച്ചു.