കുവൈറ്റില്‍ ഇരുചക്ര വാഹനങ്ങള്‍ നിയന്ത്രണമേര്‍പ്പെടുത്താന്‍ ആലോചന ; ഡെലിവറി ബോയ്മാര്‍ക്ക് കുരുക്ക്‌

കുവൈറ്റ് : കുവൈറ്റില്‍ ഡലിവറി ബോയ്മാര്‍ ഉപയോഗിക്കുന്ന തരത്തിലുള്ള ഇരുചക്ര വാഹനങ്ങൾക്കു നിയന്ത്രണം ഏർപ്പെടുത്താൻ ആലോചന. രാജ്യത്ത് ഇരുചക്രവാഹനങ്ങളിൽ സാധനങ്ങൾ വിതരണം ചെയ്യുന്നവരുടെ എണ്ണം വർധിക്കുകയാണ്. റസ്റ്ററന്റുകളിലും ബഖാലകളിൽ നിന്നുമുള്ള ഇരുചക്ര ഡെലിവറി വാഹനങ്ങൾ ഹൈവേകളിൽ വരെ കുതിച്ചു പായുന്നു.

നിയമ വിധേയമല്ലാതെയാണ് പലരും ഇരുചക്ര വാഹനങ്ങൾ ഓടിക്കുന്നതെന്നാണു ഗതാഗത വകുപ്പിന്റെ നിഗമനം . ഡെലിവറി ഡ്രൈവർമാർക്കെതിരെ ഗതാഗത വകുപ്പ് പ്രചാരണം ശക്തമാക്കി. രണ്ട് മാസം മുൻപ് രാജ്യത്തിന്റെ വിവിധ ഭാഗങ്ങളിൽ നിന്ന് ഒട്ടേറെ ഇരുചക്ര വാഹനങ്ങൾ പിടികൂടിയിരുന്നു.